1 कुरिन्थियों 15

20 पन सच़ त इन आहे कि परमेशरे मसीह मुड़दन मरां इन साबत केरनेरे लेई ज़ींतो कियोरो, ते ज़ैना मर्रेन, तैन मां पेइलो फल भोए। 21 किजोकि ज़ैन पेइले मैन्हे यानी आदमे कियूं, तैसेरे वजाई सेइं सब मैन्हु मरे, एन्च़रे ज़ैना विश्वासी लोक एजने बाले वक्ते मां मुड़दन मरां ज़ींते किये गाले, तैन भी एक्‍की मैन्हेरे केरनेरे वजाई सेइं आहे, ते तै मैन्हु मसीहे। 22 एल्हेरेलेइ एक्‍की मैन्हेरे पापेरे यानी आदमेरे वजाई सेइं सब मैन्हु मरतन, तेन्च़रे एक्‍की मैन्हेरे ज़िरिये सेइं यानी यीशु मसीहे वजाई सेइं सारे फिरी मुड़दे ज़ींते किये गाले।