Eclesiastes 11

मेहनतरी कीमत

1 अपनि रोट्टी पैनी पुड़ छ़ड, किजोकि तै तीं बड़े च़िरेरां पत्ती फिरी मैल्हेली*11:1 अपनु अन्न दरियाएरे पार भेज़, एजने बाले वक्ते मां तीं मुनाफो मैल्हेलो । 2 सत्तन बल्के अठ ज़न्हन हिस्सो दे, किजोकि तू न ज़ानस कि धेरती पुड़ कौ आफत एज्जेली। 3 अगर बिदलार पैनी सेइं भेरतां आहे, त तैखन धेरती पुड़ झ़ड़ी एइचे; ते अगर बुट चाहे दक्षिण पासे डुल्‍ले चाहे उत्तरेरे पासे, फिर भी ज़ैस ठैरी पुड़ झ़ड़ी बखेली, तैड़ी पेवरो रालो। 4 ज़ै कोई हवाई तकतो रालो, तै बीज़ न बेई बटेलो; ते ज़ै कोई बिदलार तकतो रालो तै फसल न केट्टी सकेलो। 5 ज़ेन्च़रे तू हवारी *11:5 हवारी या आत्माबत न ज़ानस ते एन न ज़ानस कि अम्मरे पेटे मां बच्‍चो केन्च़रे बेडोते*11:5 अम्मरे पेटे मां बच्‍चो केन्च़रे बेडोते कि केन्च़रां अम्मरे पेटे मां बच्‍चे मां ज़िन्दगी एइतीए, तेन्च़रे तू सेभी चीज़ां केरे बनानेबाले परमेशरेरे कम्मन भी न ज़ैनी सकस।

6 झ़ेझ़ां उठतां अपने उडारे मां बीज़ बे, ते ड्लवझ़ां भी अपने हथ्थन न रोक किजोकि तू न ज़ानस, कि कौन कामयाब भोल्हो, या तैना दूईये रोड़े निसेले।

7 लौ मने पसंद एजनेबाली भोचे, ते दिहाड़ो तकनो एछ़्छ़न रोड़ो लगते।

8 अगर मैन्हु केही सालन तगर ज़ींतो राए, ते तैन मां आनन्दे सेइं राए; पन एन याद रख्खे कि आंधरेरे दिहाड़े भी हछ्छे भोनेन। सब किछ ज़ैन भोते बेकारे।

शुरुआती ज़िन्दगी मां परमेशर तोपनो

9 हे जुवान एपनी जुवैनरे दिहाड़न मां आनन्द केर, ते अपने जुवैनी मां मघन रा; अपनि मर्ज़ी केर ते एछ़्छ़ी केरे नज़रारे मुताबिक च़ल। पन इन ज़ान कि इन सब गल्‍लां केरे बारे मां परमेशर तेरो न्याय केरेलो।

10 बस गम अपने दिले मरां दूर केर, ते एपनी जानी करां दुख दूर केर, किजोकि लड़कपन ते जुवानी दूईये बेकारन।