उत्पत्ति 16

हाजिरा ते इश्माएल

1 अब्रामेरि कौन्श सारैरी कोई औलाद न थी भोवरी: ते तैसेरी अक मिस्र मुल्खेरी नौकरानी थी ज़ैसारू नवं हाजिरा थियूं। 2 एक्सां सारै अब्रामे सेइं ज़ोवं, "हेर, यहोवा परमेशरे अवं बेऔलाद रखोरोइं, एल्हेरेलेइ अवं तीं कां बिनती केरती कि तू मेरी नौकरैनी कां गा; भोइ सकते कि मेरू घर तैसेरे ज़िरिये बेस्सी गाए।" सारैरी ई गल अब्रामे मन्नी। 3 ज़ैखन अब्रामे कनान मुल्खे मां रहते 10 साल बीती जे तैखन तैसेरी कौन्श सारै अपनि मिस्री नौकरानी हाजिरा नेइतां अपने मुन्श अब्रामे दित्ती, कि तै तैसेरी कौन्श बने।