उत्पत्ति 4

12 चाहे तू धेरती पुड़ ज़मीनदारी केरस, त फिरी भी तैसेरी पूरी फसल तीं न मैल्हेली, ते तू धेरती पुड़ भटकने बालो ते नश्शने बालो भोल्हो।" 13 तैखन कैने यहोवा परमेशरे सेइं ज़ोवं, "मेरी सज़ाह बरदाशत केरने करां जादे। 14 हेर तीं अज़्ज़ेरे दिहाड़े अवं धेरती पुड़ेरां कढोरोईं ते अवं तेरी नज़री मां रेइलो ते धेरती पुड़ भटकने बालो ते नश्शने बालो रेइलो; ते ज़ै कोई लाहेलो त मीं मारेलो।" 15 इस वजाई सेइं यहोवा तैस सेइं ज़ोवं, "ज़ै कोई कैनेरो कत्ल केरेलो तैस करां सत गुणा बदलो घिन्नो गालो।" ते यहोवा कैनेरे लेई अक निशान रख्खो ताके एरू न भोए कि कोई तैस मैलतां मैरी छ़डे।

कैनेरू खानदान

16 तैखन कैन यहोवारे सामनेरां नेश्शी जेव ते नोद*4:16 नोद इसेरो मतलब टेपलोनेरी जगाह। नंव्वेरे मुल्खे मां राने लगो ज़ै अदनेरे पूर्वेरे पासे।