Gênesis 45

5 हुनी तुसां लोक पसताथ न, ते तुसेईं अवं ज़ै इड़ी बेच़ी छ़डोरो थियो, एस सेइं परेशान न भोइयथ किजोकि परमेशरे तुश्शे प्राण बच़ांनेरे लेई अवं तुसन अग्री-अग्री भेज़ोरोईं। 6 किजोकि हुना इड़ी दूई सालां केरो देंतो काल पेवरोए, ते हेजू पंच़ साल एन्च़रे काल भोनोए, एसमां न हल लग्गेली, ते न अन्न पैदा भोल्हु। 7 एल्हेरेलेइ परमेशरे अवं तुसन तुश्शे अग्री-अग्री एल्हेरेलेइ भेज़ोरोईं कि तुस धेरती पुड़ ज़ींते राथ, ते तुश्शे प्राण बच़ने सेइं तुश्शू खानदान अग्रोवं बधे। 8 एल्हेरेलेइ हुनी मीं इड़ी भेज़ने बाले तुस नईं, बल्के परमेशरे, अवं फ़िरौनेरे बाजी केरो ज़ेरो ते तैसेरे घरेरो मालिक ते सारे मिस्रेरो प्रभु बनेवरोइं।