16 किजोकि वसीयतरे सिल्सले मां वसीयत देनेबालेरी मौत साबत भोनी ज़रूरीए। 17 एल्हेरेलेइ वसीयत देनेबालेरे ज़ींते दम्में तगर वसीयत कम्मेरी न भोए, पन तैसेरे मरनेरे बाद तै वसीयत पक्‍की भोतीए। 18 एहे वजाए कि पेइलो करार भी खूनेरे बगैर नईं कियोरो। 19 एन्च़रां ज़ैखन मूसा सैरी लोकन कानूनेरो अक-अक हुक्म शुनाव, त तैनी थाव्वां ते बछ़ड़ां केरो खून पैनी मां मिलाव, ते फिरी लाल उन्ना ते जूफा सेइं एन्हतां कानूनेरी किताबी ते सैरी लोकन पुड़ छ़िड़को। 20 ते ज़ोवं कि, "ऐह तैस करारेरो खूने ज़ेसेरो हुक्म परमेशरे तुश्शे लेई दित्तोरोए।"