João 11

21 मार्था यीशुए सेइं ज़ोने लगी, "हे प्रभु, अगर तू इड़ी भोथो त मेरो ढ्ला न थियो मरनो। 22 पन अवं ज़ानती, हुनी ज़ैन किछ तू परमेशरे करां मगेलो, ते परमेशर तीं देलो।" 23 यीशुए तैस ज़ोवं, "तेरो ढ्ला ज़ींतो भोइ गानोए।" 24 मार्था तैस सेइं ज़ोवं, "अवं ज़ानती तै आदालतरे दिहाड़े ज़ेइस सारे लोक ज़ींते भोनेन, तेइस तै भी ज़ींतो भोइ गानोए।" 25 यीशुए तैस ज़ोवं, "मैन्हन मुड़दन मरां ज़ींते केरनेबालो अव्वें आईं। ज़ै मीं पुड़ विश्वास केरते तै मरनेरां बाद भी ज़ींतो रालो। 26 ते ज़ै कोई ज़ींतोए, ते मीं पुड़ विश्वास केरते, तै कधे न मरेलो, कुन तू इस पुड़ विश्वास केरचस?" 27 मार्था जुवाब दित्तो, "हाँ प्रभु, मेरो विश्वास तीं पुड़े, कि तू परमेशरेरू मट्ठू मसीह ज़ैन दुनियाई मां एजनेबालू थियूं।"