लूका 1

13 पन स्वर्गदूते तैस सेइं ज़ोवं, "हे जकर्याह, न डर! ज़ैखन तीं प्राथना की, त परमेशरे तेरी प्राथना शुनी। एल्हेरेलेइ, तेरी कुआन्श एलीशिबाई मट्ठू भोनूए, ते तू तैसेरू नवं यूहन्ना रेखां। 14 तैसेरे ज़र्म भोने सेइं तू बड़ो खुश भोल्हो। त बड़े लोक भी खुश भोल्हे। 15 तै प्रभु-परमेशरेरी नज़री मां महान भोल्हो, ते तैनी कोन्ची भी किसमेरी नश्शे बाले चीज़ त कने शराब कधे न लोड़े पियोरी, ते तै अपनि अम्मरे पेटे मां भोते वक्तेरां परमेशरेरी पवित्र आत्मारी शेक्ति सेइं भरपूर भोल्हो।