लूका 7

विधवारू मट्ठू ज़ींतू केरनू

11 थोड़े च़िरेरां पत्ती एरू भोवं कि यीशु नाईन नव्वेंरे नगरे मां च़लो जेव, ते तैसेरे चेले ते होरे भी बड़े लोक तैन सेइं साथी थिये। 12 ज़ैखन तैना नगरेरे फाटके पुड़ नेड़े पुज़्ज़े, त हेरतन, कि अक मुड़दो बेइर जो च़लेवरोए, ते तैन अपनि अम्मरू अक्‍के मट्ठू थियूं, ते नगरेरे बड़े लोक तैस विधवा कुआन्शी सेइं साथी थिये। 13 एन लेहितां प्रभुए बड़ो तरस अव, ते तैस जो ज़ोवं, "लेरां न दे।" 14 फिरी यीशु नेड़े एइतां शिड़ी सेइं हथ लाव, ते छ़ूनेबाले रुके, ते यीशुए ज़ोवं, "हे जुवान, अवं तीं सेइं ज़ोतां, खड़ो उठ!" 15 तैखन मुड़दो उठो, ते गल्‍लां लगो केरने, ते यीशुए तै तैसेरी अम्मा सौंफतां छ़डू। 16 इन हेरतां सब लोक डेरि जे, ते परमेशरेरी तारीफ़ केरने लगे, "अक महान नबी असन मां एवरोए, ते परमेशरे अपने लोकन पुड़ अपनि सिद्धी नज़र रख्खोरीए। 17 एस्से गल्‍लरी वजाई सेइं ऐह खबर यहूदियारे ते आसे पासेरे सेब्भी मुल्खन मां फैली जेई।"