मरकुस 10

28 तैखन पतरस यीशु सेइं ज़ोने लगो, "तक, अस त सब किछ छ़ेडतां तीं पत्ती च़लोरेम! असन कुन इनाम मैल्हेलू?" 29 यीशुए अपने चेलन सेइं ज़ोवं, "अवं तुसन सेइं सच़ ज़ोताईं कि, ज़ैनेईं मेरे लेई त कने मेरे बारे मां खुशखबरी होरे लोकन शुनानेरे लेई अपने घर या ढ्ला या बेइन या हाज या बव या बच्‍चे या ऊडारां शारोरन, 30 तैन्न इस दुनियाई मां शौव गुणा मैल्हेलू। तैना घरन, ढ्लान, बेइन्न, हेईयन, बच्‍चन त कने ऊडारां हासिल केरेले। लोक भी तैन्न सताले, पन एजनेबाली दुनियाई मां परमेशर तैन्न हमेशारी ज़िन्दगी देलो। 31 पन बड़े मैन्हु ज़ैना हुन्ना पेइले आन, तैना बादे मां पत्रोवं भोनेन। त ज़ैना हुन्ना पत्रोवं आन, तैना बादे मां पेइले भोनेन।"