Mateus 15

यीशु 4000 लोकन रोट्टी खुवाते

32 यीशुए अपने चेले कुजेइतां तैन सेइं ज़ोवं, "मीं एन लोकन पुड़ बड़ो तरस एइते, एना मैन्हु ट्लेइ दिहैड़ी केरे देंते बराबर मीं सेइं साथिन, ते एन कां खाने जो किछ भी नईं। अवं एन नियन्ने भेज़ने न चैईं, कोस्कोई एरू न भोए कि एना बत्ती मां रेइ गान।" 33 तैसेरे चेलेईं तैस जुवाब दित्तो "अस इस सुनसान ठैरी मां एत्रे लोकां केरे लेई रोट्टी कोट्ठां आनम, ज़ैना सेब्भी केरे लेई पूरी भोन?" 34 यीशुए पुछ़ू, "तुसन कां केत्री रोट्टी आन?" तैनेईं ज़ोवं, "सत रोट्टिन ते किछ निक्‍की मेछ़ली भी आन।" 35 तैखन तैनी लोकन ज़मीनी पुड़ बिशनेरे लेई ज़ोवं। 36 ते यीशुए तैना सत रोट्टी ते मेछ़ली ट्लेइ, ते परमेशरेरू शुक्र केरतां ट्लोड़ी, ते अपने चेलन कां दित्ती ते चेलेईं तैना मैन्हन दित्ती। 37 सारे मैन्हु रोट्टी खेइतां रेज़्ज़ी जे। तैल्‍ला पत्ती, यीशुएरे चेलेईं मेछ़ली त कने रोट्टी केरे बच़्च़ोरे टुक्ड़न मरां सत टोकरे भेरतां सल्‍ले। 38 रोट्टी खाने बालां केरि तैधात कुआन्शां ते बच्‍चां केरे अलावा 4000 मड़द थिये।