Mateus 17

प्राथना घरेरे लेई चुंगी

24 ज़ैखन तैना कफरनहूम नगरे मां पुज़्ज़े, त प्राथना घरेरे लेई चुंगी घिन्ने बाले पतरसे कां एइतां पुछ़ू, "कुन तुश्शो गुरू प्राथना घरेरी चुंगी न दे?" 25 तैनी जुवाब दित्तो, "हाँ देते।" ज़ैखन पतरस घरे मां पुज़ो त यीशुए तैसेरे पुछ़नेरे पेइले तैस सेइं ज़ोवं, "हे शमौन तू कुन समझ़तस? दुनियारे राज़े कोन लोकन करां चुंगी घिन्तन अपने बच्‍चन करां या होरि लोकन करां?" 26 पतरसे तैस सेइं ज़ोवं, "होरन करां।" यीशुए तैस सेइं ज़ोवं, "त मट्ठां बरी भोइ जेआं। 27 फिरी भी एल्हेरेलेइ कि अस तैन ठोकर न देम, तू समुन्दरे पुड़ गेइतां कंटो लेइतां मेछ़ली ट्लेइयां, ते ज़ै मछ़ली पेइली लग्गेली, तैसारू आशी खोल्‍लां, ते तीं अक सिक्‍को मैलनोए, ते तै सिक्‍को नेइतां मेरी ते अपनि चुंगी देइयां।"