मत्ती 20

एक्‍की अम्मरी बिनती

20 तैखन जब्दी नंव्वेरे मैन्हेरां मट्ठां केरि अम्मा अपने मट्ठन सेइं साथी यीशु कां आई, ते तैस कां मिन्नत केरने लाई ते तैस करां किछ मगने लग्गी। 21 तैने तैस पुछ़ू, "तीं कुन लोड़ते?" तैसां ज़ोवं, "वचन दे, कि मेरां इन्ना मट्ठां तेरे राज़्ज़े मरां अक तेरे देइने पासे त होरू तेरे बांए पासे बिश्शन।" 22 पन यीशुए तैन सेइं ज़ोवं, "तुस न ज़ानथ कि कुन मगने लग्गोरेथ! ज़ेन्च़रे दुख अवं झ़ैलने बालोईं, कुन तुस झ़ेल्‍ली सकतथ? तैनेईं जुवाब दित्तो, हाँ झ़ेल्‍ली सकतम।" 23 तैनी तैन सेइं ज़ोवं, "तुस मेरे ज़ेरो दुख झ़ल्‍लेले, पन एन मेरू कम नईं कि एक्‍की देइने पासे ते होरि बांए पासे बिशैली, ऐह ठार ज़ेसेरे लेई मेरे बाजेरे तरफां रख्खोरीए तै तैसेरे लेइए।"