नहेम्याह 1

नहेम्याहरी प्राथना

1 हकल्याहेरे मट्ठे नहेम्याहरी गल्‍लां। अर्तक्षत्र राज़ेरे राज़ केरनेरे बिहोवं सालेरे किसलेव*1:1 किसलेव ई बाबेलेरे कैलेंडरेरो महीनो आहे, ई महीनो अध्धे नवंबरे करां अध्धे दसमबरे तगर भोते। नंव्वेरे महीने मां, ज़ैखन अवं शूशन नंव्वेरे राज़गढ़े मां रहतो थियो, 2 तैखन हनानी नंव्वेरो मेरो अक भियाल ते किछ होरे मैन्हु भी यहूदा प्रदेशे मरां आए। मीं तैन पुछ़ू, कि तैना यहूदी ज़ैना बेच़तां बाबेलेरी गुलैमी करां छुटोरे थिये तैन केरो कुन हाले, ते यरूशलेम नगरेरे बारे मां पुछ़ू। 3 तैनेईं मीं सेइं ज़ोवं, "कि तैना यहूदी ज़ैना बाबेल मुल्खेरे गुलैमी करां बेंच़तां तैस सूबे मां रहतन, तैना बेड़ी मुसीबती मां पेवरेन ते तैन केरि निन्दा भोतीए। किजोकि यरूशलेम नगरेरी शहरपनाह ट्लूटोरीए, ते तैसेरे फाटक भी फुकोरेन।"

4 ज़ैखन मीं एन शुनू ते अवं बिशतां लेरां लगो देने ते किछ दिहाड़न तगर अवं मातम केरतो राव। ते सुर्गेरे परमेशरे कां बरत रेखतां ई प्राथना केरतो राव। 5 "हे मेरे सुर्गेरे परमेशर यहोवा, हे महान ते डरेरे काबल परमेशर! ज़ैना तीं सेइं प्यार केरतन ते तेरो हुक्म मनतन तैन केरे लेई तू अपनो करार पूरो केरतस ते तैन पुड़ दया केरतस। 6 तू कन ला ते एछ़्छ़ी खुल्‍ली रख, तू अपने दासेरी ई प्राथना ज़ै अवं इस्राएलेरे लेई रात दिहैड़ी केरताईं तैस तू शुन। अवं इस्राएली केरे पापन मनताईं ज़ैना असेईं तेरे खलाफ कियोरेन। मीं ते मेरे पूर्वजेईं दूइयेईं पाप कियोरोए। 7 असेईं तेरे सामने बड़ी बुराई कियोरीए, ते ज़ैना हुक्म ते विधि ते नियम तीं अपने दास मूसा दित्तोरे थिये, तैना असेईं नईं मन्नोरे। 8 तै वाधो याद केर, ज़ै तीं अपने दास मूसा सेइं कियोरो थियो, ‘अगर तुस वफादार न राथ, त अवं तुसन मुल्खां-मुल्खां केरे लोकन मां तितर-बितर केरेलो। 9 पन अगर तुस मेरे पासे फिरेले, ते मेरे हुक्म मन्नथ, ते तैन पुड़ च़लथ, त चाए तुसन मरां कढोरे लोक अम्बरेरे होरी पासे किना भोन, फिरी भी अवं तैन तैट्ठां अकोट्ठे केरतां तैस ठैरी पुज़ालो, ज़ै मीं अपनु नवं रानेरे लेई च़ुनोरीए।’✝1:9 व्यव. 30:1-4. 10 तैना तेरे दास ते तेरे लोकन, ज़ैना तीं एपनी बेड़ी शेक्ति सेइं ते बड़े ताकती सेइं छुटेवरन। 11 हे मेरे प्रभु बिनती ई आहे, तू अपने दासेरी प्राथनाई पुड़, ते अपने तैन दादां केरि प्राथनाई पुड़, ज़ैना तेरे नंव्वेरो डर मन्नो चातन, ध्यान दे, ते अज़ अपने दासेरे कम्मे कामयाब केर, ते अर्तक्षत्र राज़े मीं पुड़ महरबान केर।" अवं त फारसेरे राज़ेरो पियाने बालो थियो।