नहेम्याह 13

12 तैखन करां सारे यहूदी अन्न, ते नंव्वे दाछ़रो रस ते तेलेरो दशोवं हिस्सो भण्डारन मां आन्ने लगे। 13 मीं भण्डारां केरे अधिकारी शेलेम्याह याजक ते सादोक मुन्शी, ते लेवन मरां पदायाह, तैन केरे बाद हानान, ज़ैन मत्तन्याहेरू पोट्लड़ू ते जक्‍कूरेरू मट्ठू थियूं, च़ुने। तैना त भरोसेरे काबल गने जेवरे थिये, ते अपने लेवी ढ्लां केरे लेई बंटनु तैन केरू कम थियूं। 14 अवं प्राथना केरताईं, हे मेरे परमेशर! मेरू इन कम मेरे हक्‍केरे लेई याद रख, ते ज़ैन-ज़ैन रोड़ू कम मीं परमेशरेरे भवन ते तैस मां कियोरी आराधनारे बारे मां कियोरेन तैन न मिटा।