Lucas 10

Kana mot Samaali na mbɛɛ lyem

25 Dhiiti lyoel etsi e Zɛɛb naazɛwyɛl, lii, étɛp ɛbowal ɛ Yezu. Nyɛ eezɛdji nyɛ náá: «Lyoel, mɛ sa dáa, étɛp mɛ neebela tsik na kɔm-kɔm?» 26 Yezu kabɔɔza nɛ nɛ náá: «Haaa, yé nakwyalel tɔ mɛkana mɛ etsi bina? Wɔ gwak dáa tɔ tak?» 27 Mot’enɔk zɛbɔɔza náá: «"Wɔ goka ɛ́ wɔ kwyɛl Ghɛŋ, Zɛɛb’ɔ nɛ lyem’ɔ djas, nɛ sisim’ɔ djas, nɛ ghwyil’ɔ djas, nɛ mɛtselal mɔ djas." Zɛnɔɔ náá: "Wɔ goka ɛ́ wɔ kwyɛl sɔ’ɔ mot dáa wɔ di ekwyɛl nyel’ɔ met ɛ*10.27 Dɛt 6.5; Msa 19.18."» 28 Yezu ɛ́ bookake nɛ nɛ náá: «Wɔ eebɔɔza ɛnyɔɛpe. Sa deenek, wɔ neebela tsik na kɔm-kɔm.»