1 Tessalonicenses 5

Mwiyandalise kigono kya kuwuya kwa Mtwa

1 Vakololo vangu, setuvesa kuvasimbila nyenye, chipindi na muda va kuwuya kwa Mtwa. 2 Kwakuva nyenye mwichela kwa undakyene kigono kya kuwuya kwa Mtwa kikwacha ngita muhichi peikwacha pamiye. 3 Vanu pevivecha vilonga, "Tugehe na lutengamaso, kangi kugehe unofu," Chipindi icho nde uhanangifu peukuvachiya bahobaho! Njowo icho chihumila bahobaho ngita uvafi weukumpata maye chipindi kya kubaba, vala vanu davayepa hamu. 4 Ila nyenye lukololo vangu, semgehe mukisi na kigono ikyo sekikuvachila bahobaho ngita peikwacha muhichi. 5 Nyenye vonda ndi vanu yemwikwikala mu welu, vanu va pamunyi. Nefwe se vanu va pamiye, vala se vanu va kisi.