Filipenses 2

Tung’ale ngita welu mu inyi

12 Vakolo vangu, chipindi pendikali na nyenye mkandidikile figono fyonda na ata nondee pendigehe patali na nyenye mwendelele kwidikila. Mugite kasi kwa wogofi na kutetema kwa ulowola venu, 13 kwakuva Nguluvi nde yeagita kasi mugati lyenu, kuvagavila umwimike va kung’ang’a na kugita makani geikela Nguluvi mugagite.

14 Mugite finu fyonda ngajila kung’ung’ula na ngajila kukwegana, 15 neke muwese kuva vanu va nofu, vevihela nongwa, ngita vana vanofu va Nguluvi vevikala mu inyi wofu na vevayagile. Mwilangala mugati lyao ngita nondwa peching’alika kuluhano, 16 kangi muveche mukuvalongele vanu Njowo cha Nguluvi chechileta wumi va mbapali. Nde nene dandivecha na kwakuva lya kukeduka hilo mukigono kila kwa Kilisito, yiwoneka pawelu sendikagitile kasi hela.