Kantik A Kantik Yo 3

Jenn Fi an

1 Sou kabann mwen, pandan nwit la,

mwen te chache sila ✝3:1 Kan 1:7ke nanm mwen renmen an.

Mwen te chache l, men m pa t jwenn li.

2 Koulye a fòk mwen leve mache toupatou nan vil la;

nan ✝3:2 Jr 5:1ri yo ak nan plas yo.

Fòk mwen chache sila ke nanm mwen renmen an.

Mwen te chache l, men m pa t jwenn li.

3 ✝ 3:3 Kan 5:7 Gadyen ki fè tou vil la te twouve m.

Mwen te mande l: "Èske ou konn wè

sila ke nanm mwen renmen an?"

4 Lè m ✝3:4 Pwov 8:17fenk kite yo mwen te jwenn

sila ke nanm mwen renmen an.

Mwen te kenbe l, mwen te refize lage l

jiskaske mwen mennen l rive lakay manman m,

pou l antre nan chanm a sila ki te vin ansent mwen an.

5 M ap ✝3:5 Kan 2:7avèti nou, O fi a Jérusalem yo,

nan non antilòp ak bich mawon an,

pou nou pa fè lanmou leve

ni ouvri zye l jiskaske se plezi li.

6 Se kisa k ap monte kite dezè a

tankou pilye lafimen yo,

byen pafime ak fèy bazilik ak ✝3:6 Egz 30:34 lansan,

plen ak poud santi bon machann yo?

7 Gade byen, se kanape vwayaj Salomon k ap monte;

swasant òm pwisan kap antoure l,

mesye pwisan Israël yo.

8 Yo tout ki konn manyen nepe,

✝ 3:8 Jr 50:9 ki fò nan afè lagè;

chak mesye gen nepe l bò kote li,

pou fè gad kont menas lannwit yo.

9 Wa Salomon te fè pou kont li

yon kanape vwayaj ak bwa Liban an.

10 Li te fè pye li ak ajan e repo pou do a ak lò.

Kote pou chita a fabrike ak twal mov,

e tout anndan li byen dekore pa ✝3:10 Kan 1:5fi Jérusalem yo.

11 Ale, O fi a Sion yo,

e fikse byen Wa Salomon ak kouwòn sila a

manman l te kouwone l nan ✝3:11 És 62:5 jou fèt maryaj li,

nan jou kè kontan li an.