12 Biyi bi he wa nji Izhi; a nyɨme yi nga ran chu yi ri ngawan. Rimba bi ka ngambi ri tsro kyumbi ri rerenga vu sron. 13 Nyɨme ngambi nga bi ri ka meme ti ngambi rega, chachu riwa iri mbi ngɨzhi njo ri nkan ri sron. Bi ka meme ti ngambi rega bibi riwa Bachi ka meme ti mbi rega. 14 Ngha rimi kyawa wanyi yo nyɨme ngaa rimi wan, riwa a lo kongye rimi kabrutu. 15 Isisron riwa Kristo de no tsro yi rimi kya riwa bi yosron ri bi ti; ritu riwa a he ritu sisron-a nye Izhi yo yi kabru rimi kpa riri. Ngha bi ri ngɨri.