Jɔŋ 7

14 Mbʉ nchəŋtə kʉ̂ʉ gɛ̀ tə kə́ dàa ntəŋntəŋ ghɔ, Jiso kóʼ gɛ̀ mu chunjaafɛ̀ʼndɛŋNyii chʉ́ʉhə kə́ dàhə. 15 I chàa bəntəŋbəshʉ-bʉə-Juu, bɔ̂ŋ kə́ bíʼtə mbɔ, "Wo-ɔ̄ kínə ŋwɔʼnə təka mənɔ, təmə nɔʼ nə yétə fɛ?"

16 Jiso bə̀ŋhə tʉ bɔŋ mbɔ, "Nubə ndə mɔ tʉʼ dàhə kaa yɔŋ-yə fɛ, nɔ bɛ yi-wo-yə ndə ɔ tə́ŋ mɔ. 17 Wotəmiyɔŋ ndə ɔ séʼ ndə məfɔ̀ʼ ŋkʉʉnə-tʉʉ-Nyii bu kínə mbɔ mbʉ kənu ndə mɔ tʉʼ dàhə lɔ̀ hə kəghɔ-Nyii mɛ, kə mɔ tʉʼ dàhə nə yɔŋ-yə ghʉəʼkə. 18 W̃o ndə ɔ tʉʼ kwə́ʼ nə yi-yə ghʉəʼkə, nɔ kʉ́ʉ bə yi-yə məgʉ́ə, bɔŋ wo ndə ɔ tʉʼ kʉ́ʉ məgʉə-w̃o ndə ɔ tə́ŋ ɔŋ, nɔ gìe shʉəŋ, təmə nu-mbii-bə bɛ mu ɔŋ fɛ.