14 Mbʉ nchəŋtə kʉʉ gɛ tə kə dàa ntəŋntəŋ ghɔ, Jiso kóʼ gɛ mu chunjaafɛʼndɛŋNyii chʉʉhə kə dàhə. 15 I chàa bəntəŋbəshʉ-bʉə-Juu, bɔŋ kə bíʼtə mbɔ, "Wo-ɔ kínə ŋwɔʼnə təka mənɔ, təmə nɔʼ nə yétə fɛ?"

16 Jiso bəŋhə tʉ bɔŋ mbɔ, "Nubə ndə mɔ tʉʼ dàhə kaa yɔŋ-yə fɛ, nɔ bɛ yi-wo-yə ndə ɔ təŋ mɔ. 17 Wotəmiyɔŋ ndə ɔ séʼ ndə məfɔʼ ŋkʉʉnə-tʉʉ-Nyii bu kínə mbɔ mbʉ kənu ndə mɔ tʉʼ dàhə lɔ hə kəghɔ-Nyii mɛ, kə mɔ tʉʼ dàhə nə yɔŋ-yə ghʉəʼkə. 18 Wo ndə ɔ tʉʼ kwəʼ nə yi-yə ghʉəʼkə, nɔ kʉʉ bə yi-yə məgʉə, bɔŋ wo ndə ɔ tʉʼ kʉʉ məgʉə-wo ndə ɔ təŋ ɔŋ, nɔ gìe shʉəŋ, təmə nu-mbii-bə bɛ mu ɔŋ fɛ.