42 "Wotəmiyɔŋ ndə ɔ chìi mbyu vaambuɔ tîetîe hə mu vâa-bɔ̄ŋ ndə bɔ̂ŋ bɛ́ŋ mɔ, gwù mu nubə ndə ĩ chìi wo chìi bʉ̂ʼʉ, nɔ bʉ̀ʉ mbɔ b̈ə chyúu lɔkɔʼ tê mii-ɔ, mɛ̀ʼ ɔŋ mu muukwɛʼtəŋmə. 43 Bɔŋ kaʼ ghɔkə-a chìi a chìi bʉ̂ʼʉ, ä chʉ̀ə fyúhə mɛ̀ʼ. Bʉʼka i nɔ bʉ̀ʉ tʉ a ndə məbɛ lɛŋ, kie məchímbi təmə liʼ-i ghɔ fɛ, tə chàa ndə məgɛ̀ mu viʼi nə ghɔbə-a ibûu, mu viʼi təmə i mə nə lʉ́əŋnə fɛ, 44 [‘kəyəŋ ndə ntyʉəbə-ʉə mə nə kwú fɛ, təmə viʼi-yʉə mə nə lʉ́əŋnə fɛ.’] 45 Bɔŋ kaʼ kʉ̀ʼ mbɔ kwii kəwu-a chìi a chìi bʉ̂ʼʉ, ä chʉ̀ə mɛ̀ʼ. Bʉʼka i nɔ bʉ̀ʉ tʉ a ndə məbɛ lɛŋ, kie məchímbi təmə liʼ-i ghɔ fɛ, tə chàa mbɔ a kie wubə-a ibûu gɛ̀ mu viʼi, 46 [‘kəyəŋ ndə ntyʉəbə-ʉə mə nə kwú fɛ, təmə viʼi-yʉə mə nə lʉ́əŋnə fɛ.’] 47 Bɔŋ kaʼ kʉ̀ʼ mbɔ vaashʉ-a chìi a chìi bʉ̂ʼʉ, ä chʉʼ fyúhə mɛ̀ʼ. I nɔ bʉ̀ʉ tʉ a ndə məŋíi ntoʼ-Nyii nə vaashʉ-a imɔʼ, tə chàa ndə məkie vâabəshʉ ibûu, bə mɛ̀ʼ aŋ mu viʼi, 48 ‘kəyəŋ ndə ntyʉəbə-i mə nə kwú fɛ, təmə viʼi-i mə nə lʉ́əŋnə fɛ.’
Publicidade