1 Ënëribi kamina ꞌunanti ꞌain, anun tëmërati nëtë ukëbë ka tëíira ñu ꞌiti ꞌikën.

2 Unikama ka ñu inanankëma, kurikishi kuë́ënkë, bëtsi samaíira ꞌimainun rabiakati, Dios ñui ꞌaisamai bananan, aín papa bana kuaisama tankë iti ꞌikën, bana sinankëma ꞌianan a rabikë ñumi kuaiti ꞌikën.

3 Ka bëtsi kuë́ënki kai nuibananima, këmëkin bana ñuikë ꞌiti ꞌikën, an akë ñu ka tënëtima ꞌikën, ka bana kuatima, ñu upí akë ami nishti ꞌikën.

4 Abë nikë an ka bëtsi ꞌatima oti ꞌikën, ka nuituñuma ixun ñu ꞌatima ꞌatishi kuë́ënti ꞌikën, an kuë́ënkë ñuishi ꞌakin ka Dios baritima ꞌikën.

5 Usa ꞌain ka atukamax kiti ꞌikën, kana Diosnan ai kibi ꞌatimati nikë kupí, unin upí istima ikën, usa unibë kamina nitima ꞌain.