Nnang Abik
1 Yɔkɔnɔng, ábaruneng, azaton nnang abik, imi shim ni i rēn yin. 2 Iyin rēn yin fok, ni izen fi i kin yet yin bafi nhwyi, ba kin sɔ ice yin, ba kin ki kɔrɔk yin atse sak ikuus nabannom fɛ́ da na cɛɛt awo. 3 Nek anɔng, in fɛ̀ ni yin fok, vit anet fɛ́ a cɛɛt ayɛt abik Adakunom fɛ́ a kyem a fɛ̀, <<Tang aYeso anyas.>> Vit ayɔng fɛ́ a da kyem a fɛ̀, <<AYeso yet aTisa,>> tit Kabik aJɛrɛ ka ku sɛ mo.
4 Nnang abik di se zizɛɛt-zizɛɛt, awɛt Kabik kazining e ka ka nesek. 5 Ntomong ira di se zizɛɛt-zizɛɛt, awɛt ba ras sak na aTisa azining e. 6 Irèn iras ntomong se zizɛɛt, awɛt Adakunom azining e wu a nesek banet agap iras e ngma.
7 Kabik Adakunom e tonoso ice ka sak na kaangan, nek itek banet ngma.