10 Nek kafa kawe Adakunom, bɛ́s ni ishesheng fi i saas isheshek. Ibeseng iyɛ kuri iyɔng won anet ni kuyiring fok, akyɛ sak in nye anɔng ɛ, awɛt kafa kawe kuri kufɛ́ azatse saas iku. 11 Kɔ di yin kuri atitup atsak fi ibeseng iyɛ Adakunom mi tes ayɛt yin. Ni iyɛ ingash, ni ishan inɛn yin, ni itonong kafa kawe yin, ni nnyim fi i tonong yin. Anɔng e ki sak yin ite iyɛ ni iyɛ ingash makiyi. I shim yin na ba tabak bayɔng fɛ́ ba dun. I mi tonong yin fok iyin se yin vit inɛn ayɛt ikyɛng fi i kin te awo.