22 <<Iyin bafi aIsrela, wes yin ato ni kucɛɛt kang. AYeso anet aNazaret, kin yet atutup ayɔng fɛ́ Adakunom kin ki tonong yin wɛshɛk fok iwu wu a ku tom nate yin. A tonong anɔng e, ni kuri ntomong ayɔɔt na abes zizɛɛt-zizɛɛt fɛ́ Adakunom nye ni bɔk aYeso. Kpaf ti iyin da rēn yin. 23 Adakunom rēn ikyɛng fi i bi te, ikyɛng fi iwu mang sak sɛ kushining ni izen fɛ́ ba nabak aYeso. Ni irun ama bafɛ́ anɛn, iyin ku fɛt yin naton kukum. 24 Ngma na anɔng, Adakunom kudorok ni iku, a ku tun ni mgbang iku, nek iku kyem ni i ku tekap ni nyang awo.