Atos 2

41 Kudot banet fɛ́ ba di nɔɔk atsak ni ifɛ̀ wu, fɛ́ ba ka ba ra abatisma atuk e yɔng, banet kin se agup ataat fɛ́ ba di barang kudot bafi ikuus.

Inyis bafi ikuus

42 Ba nɔɔk nhwyɛ ba kusum sak ni ishashang itees ni mbɔk batom aYeso, ni kuyak angma, ni inyis, ni iras awon. 43 Nnyim yit akaangan, nek ntomong abes, ni nfɛ́ ajingjing fɛ́ Adakunom ras ni bɔk batom aYeso me. 44 Ngma bafi ikuus e, ya kashon ni kusonong myak, ikyɛng fɛ́ ba bɛ̀ yet ifuu bá ngma. 45 Ba rɛs nkyɔrɔk mbɔk bá, ba kabasa itsɔm e, kpaf ni kunanang fɛ́ kaangan bɛ̀. 46 Ba ya kashon ni inyis atasa karɔ iya Adakunom ntong kaakyi izen. Ba kabasa nayak na nasa bá, na ba yas gung ni iyɛ izining ni itɛrɛk iyɛ, 47 na ba tere Adakunom, banet ngma kusum ka ba tere. Adakunom di barasa kudot bá, ifɛ̀ banet fɛ́ ba sɛs isheshek kaakyi kunom.