Salmos 120

Kulanda utanzi

(Lwimbo lwa kuluta kuchanya.)

1 Kuli magazo ga heni nandimchema Mkulu Nguluwi,

naye nakanyhidichila.

2 Gwa Mkulu Nguluwi, undohole

kulawa kwa wanhu wadesi na wahadi.

3 Hemwe wanhu wahadi, mopegwa choni?

Mozapigwa ndaze?

4 Kowagaza kwa misale jing’ang’ale ja mwamizi,

na kwa makala ga chiluli ching’ang’ale.

5 Ndochona kwa vila ndangikala kota mjenzi aku Mesheki,

ama kuli mihema ja Kedali.

6 Nandikala kwa mihela minji ng’hatu

hali wanhu walinguzudila kikala goya.

7 Heni nda munhu wa kikala goya,

ila hondilonga ahyo, hewo wangugana ngondo.