1 Gwa Mkulu Nguluwi, kosemwa heni mbaka hanili?

Ndaze, kosemwa heni mbaka mazuwa gose?

Mbaka hanili kokuvisa kumeho kwa hegwe?

2 Ndowa na lunhwinhwi na majesa mbaka hanili,

masinzo mnhumbula chila zuwa?

Mbaka hanili wang'honyo wa heni wosumya heni?

3 Undole na kunyhidichila, gwa Mkulu Nguluwi, Nguluwi wa heni.

Umhe heni mong'ho kahi, leka ndeche kufichigwa na usinjizi wa kubagama.

4 Uleche kuwadita wang'honyo wa heni walonje,

"Natumsumya ayu."

Walingungaza waleche kusangalalila kugwa kwa heni.

5 Ila heni ndangitumbila igano lya hegwe lya kwimilila,

nhumbula ya heni yangusangalala kwa chiwalo cha ulohozi wa hegwe.

6 Ndokwimbila hegwe, gwa Mkulu Nguluwi,

kwa igano lya kwimilila lya hegwe lyoulilajile kwa heni.