1 Nakatambichizwa yula munhu,

yohambe yalute kuli chitala cha wehile,

halinguwinza nzila za wawele na gehile,

ne kikalisa hamwe na walinguliga.

2 Ila kangunojezwa na ilajizo lya Mkulu Nguluwi,

kangijesaga ilajizo lya heye nemisi na nechilo.

3 Naye kanguwa kota igodi litopekwe hafungo ha nzanda za mazi,

lilingulela mafuza gake kwa mihela jake

ne ihamba lyake halilinguswinha.

Chila choyalingudita changulutilila goya.

4 Haiwele kota vyowawele wehile,

hewo ndo kota mhumba ilinguwembeluka kwa mbeho.

5 Lelo wehile hambe weme nzinzili kuli utaguso,

ne wawele na gehile hali nhing'hano ya watanganiche.

6 Kwa vila Mkulu Nguluwi kanguizela nzila ya watanganiche,

ila nzila ya wehile yokwajilila.