1 Gʋ Roma Juo janɛ Tiberosi Kayisa yɩɛ Juo bɩŋsɛ gifi anʋŋ naŋ na, Pontiyosi Pilato n cha wʋ nyina Yudiya tibi dʋɔ kɩɛrɛ, sɛ Juo Hɛrɔdɩ dʋɔ yɩɛ Galaliya Juo, sɛ wʋ ŋmɩɛtɩ Filipo dʋɔ yɩɛ Ituriya na Tirakonitisi Juo, sɛ Lisaniyasi yɩɛ Abilene Juo. 2 Dɩmʋŋ saŋa gana sɛ Anasi na Kayifasi yɩɛ Ɩsʋɔ sei bɩnɩɛ naŋ bɩnɛ. Sɛ Ɩsʋɔ wɩɛ kɔŋ Yohane wʋŋ wʋ yɩɛ Sakariya bu na jaŋ ifuli dʋɔ. 3 Dɩmʋŋ dʋɔ, wʋ ju dɩɛsɛ ŋii ŋɩ logo Yodaŋ buo na ga tawɩ Ɩsʋɔ wɩɛ sɛ, <<N biliŋi lɩɩ amɩɛ dɩsʋbʋ naŋ na ɩ kɔŋ Ɩsʋɔ jaŋ na maa sɔ amɩɛ Ɩsʋɔ sɔ, na wʋ a mʋ amɩɛ dɩsʋbʋ chɩɛ amɩɛ.>> 4 Ganaŋkʋ Ɩsʋɔ ɔja Yisaya chɩŋkpɩɛ sabɩɛ Ɩsʋɔ wɩɛ si sɛ

<<Lofu garɛ kuusi ifuli dʋɔ sɛ,

desina gbɩɛ si fa Kpaŋjuo wʋŋ,

na ɩ chirigi gbɩɛ fa ɩ.

5 Dɩtaka kʋma aja su

sɛ bʋrɔŋ na bʋrɔŋ bie kʋma aja sirigi na ŋii tatɩrɛ.

Gbɩɛsɛ anyɔŋsa aja chirigi

Gbɩɛsɛ awarɩɛsa aja yɩɛ tɔlɛtɔlɛ.

6 Bakpa kpiniŋ aja na nya Mɔlɔgɩrɛ wʋŋ.>>✝

7 Sɛ Yohane tawɩ jama baa baa kɔŋ wʋ jaŋ sɛ wʋŋ sɔ ba Ɩsʋɔ sɔ na sɛ, <<Amɩɛ baa ɩ kɩɛna takɩɛ dʋmɩɛ sɔrɛtina, Mmʋɔ n jɔ amɩɛ nyienaŋ sɛ n se lɩɩ Ɩsʋɔ biŋbira ŋii wʋ chamɩna wʋ a kɔŋ amɩɛ dʋɔ na? 8 N yela na amɩɛ ayɩɛsa a kalaa takɩɛ ɩ biliŋi lɩɩ amɩɛ dɩsʋbʋ naŋ. N baa fara ɩ fa nfɩɛrɛ sɛ, <Abiraham yɩɛ daa duluŋ bɛ.> Maa tawɩ amɩɛ sɛ, Ɩsʋɔ a dɩlɛ mʋ bʋɛ ŋina yɩɛ ganana bie fa Abiraham. 9 Ba fɩla mʋ dɩkpaŋfa ga jaga dasɛ ŋii lira dʋɔ, daŋ kʋma gaa gaa si bie abama na, baa wʋŋ ga lɔ na baa mʋ lɔ dʋ bʋala naŋ.>>

10 Sɛ jama baa tasɛ ɩ sɛ, <<Sɩnɛ sɛ dɩ n yɩɛ?>>

11 Sɛ Yohane lɩsɛ nʋɔ sɛ, <<Wʋkʋma wʋŋ wʋ wɩɛna gagbasɛ ala na, wʋŋ mʋ garɛ fa wʋŋ wʋ tana na. Sɛ wʋkʋma wʋŋ wʋ wɩɛna adiya dʋɔ na, wʋŋ yɩɛ dɩmʋŋ.>>

12 Lampo lɩɛra gba kɔŋ gaa tawɩ ɩ sɛ wʋŋ sɔ ba Ɩsʋɔ sɔ. Sɛ ba tasɛ ɩ sɛ, <<Wʋkalaasa, sɩnɛ sɛ dɩ n yɩɛ?>>

13 Sɛ Yohane lɩsɛ ba nʋɔ sɛ, <<N baa lɩɛ lampo kii ganaŋkʋ dɩdaga na ɩ lɩɛ na.>>

14 Sɛ yuo yuora baa barɛ gba kɔŋ gaa tasɛ ɩ sɛ, <<Sɩnɛ sɛ dɩ n yɩɛ?>> Sɛ wʋ lɩsɛ ba nʋɔ sɛ, <<N baa ŋɩrɛ wʋrʋ doŋ dʋɔ lɩɛ wʋ aterembie yaa n baa yɩɛ akarɩɛ jaga wʋrʋ. N yela amɩɛ asa a su amɩɛ kɩmtʋɔ.>>

15 Na bakpa baa a kɩɛ Nkpalɩɛrɛ wʋŋ gbɩɛ yela baa fa nfɩɛrɛ sɛ Yohane n nyina Kirisito* wʋŋ. 16 Sɛ wʋ tawɩ bakpa baa sɛ, <<Maŋ bɩrɛ maa mʋ lɩŋ sɔ amɩɛ Ɩsʋɔ sɔ. Ama wʋŋ wʋ a kɔŋ ma wʋrʋgbɩɛ na yɩɛ wʋ janɛ kii maŋ, ma n daga na maa luuŋ buoli wʋ asibita ganyasɛ ɛ. Wʋŋ bɩrɛ, Ɩsʋɔ Feliŋ ŋii na bʋala sɛ wʋ a mʋ sɔ amɩɛ. 17 Wʋ chamɩna bʋrʋ gafalɩsa wʋ pam naŋ na wʋ a mʋ fala lɩsɛ gamɩsɛ lɩɩ duofu naŋ ŋɩ dɩkpalaŋ naŋ, na wʋ a kui bie ŋii dʋ wʋ dichonkon naŋ. Ama duofu ŋii bɩrɛ, wʋ a tʋ ŋɛ bʋala gaa gaa dum na naŋ.>> 18 Yohane pala gbɩɛsɛ fɔɩ dʋɔ tawɩ dʋ bakpa sɛ wʋ tawɩ Ɩsʋɔ Wɩɛ Abama ŋii fa ba.

19 Yohane tawɩ baŋ Juo Hɛrɔdɩ akala takɩɛ wʋ lɩɛ Hɛrɔdɩya wʋŋ wʋ yɩɛ wʋ nabu alʋ na saa, na wɩɛ asʋbʋɛ ŋii wʋ yɩɛ kpi na kpiniŋ. 20 Ama dɩsʋbʋ gaa Juo Hɛrɔdɩ ti bɔrɛ yɩɛ kpi na n nyina sɛ wʋ tɔ Yohane danɛ dɩtʋɔtɩŋ.

21 Gʋ Yohane a sɔ bakpa baa kpiniŋ Ɩsʋɔ sɔ na, wʋ sɔ Yesu gba. Gʋ Yesu a jɔ dɩga na, sɛ Ɩsʋɔ adugbe fulu 22 sɛ Ɩsʋɔ Feliŋ tibi wʋ dʋɔ takɩɛ juori gakuo. Sɛ lofu lɩɩ Ɩsʋɔ adugbe kɔŋ sɛ, <<Nyaŋ n nyina Mabu wʋŋ maa ja n wɩɛ, ma asa su n dʋɔ.>>

23 Saŋa gaa Yesu fara wʋ dɩtʋm na, wʋ a yɩɛ takɩɛ bɩŋsɛ nkuo na sala. Sɛ bakpa a fa nfɩɛrɛ sɛ wʋjuo n nyina Yosefu. Yosefu wʋjuo n nyina Heli, 24 Heli wʋjuo n nyina Matati,

Matati wʋjuo n nyina Lewi, Lewi wʋjuo n nyina Meliki,

Meliki wʋjuo n nyina Janayi, Janayi wʋjuo n nyina Yosefu.

25 Yosefu wʋjuo n nyina Matatiyasi, Matatiyasi wʋjuo n nyina Amosi,

Amosi wʋjuo n nyina Nahum, Nahum wʋjuo n nyina Esili,

Esili wʋjuo n nyina Nagayi,

26 Nagayi wʋjuo n nyina Maati, Maati wʋjuo n nyina Matatiyasi, Matatiyasi wʋjuo n nyina Semeni,

Semeni wʋjuo n nyina Yoseki, Yoseki wʋjuo n nyina Yoda,

27 Yoda wʋjuo n nyina Yowanaŋ, Yowanaŋ wʋjuo n nyina Resa,

Resa wʋjuo n nyina Serubabeli, Serubabeli wʋjuo n nyina Salatiya,

Salatiya, wʋjuo n nyina Neri,

28 Neri wʋjuo n nyina Meliki,

Meliki wʋjuo n nyina Adi, Adi wʋjuo n nyina Kosam,

Kosam wʋjuo n nyina Elimadam, Elimadam wʋjuo n nyina Eri.

29 Eri wʋjuo n nyina Yosuwa, Yosuwa wʋjuo n nyina Eliyasa,

Eliyasa wʋjuo n nyina Yorim, Yorim wʋjuo n nyina Matati,

Matati wʋjuo n nyina Lewi,

30 Lewi wʋjuo n nyina Simiyoŋ,

Simiyoŋ wʋjuo n nyina Yuda, Yuda wʋjuo n nyina Yosefu,

Yosefu wʋjuo n nyina Yonam, Yonam wʋjuo n nyina Eliyakim,

31 Eliyakim wʋjuo n nyina Meliya, Meliya wʋjuo n nyina Mena,

Mena wʋjuo n nyina Matata, Matata wʋjuo n nyina Nataŋ,

Nataŋ wʋjuo n nyina Dawidi,

32 Dawidi wʋjuo n nyina Yese,

Yese wʋjuo n nyina Obedi, Obedi wʋjuo n nyina Bowasi,

Bowasi wʋjuo n nyina Salimoŋ, Salimoŋ wʋjuo n nyina Naasoŋ,

33 Naasoŋ wʋjuo n nyina Aminadabi, Aminadabi wʋjuo n nyina Ram,

Ram wʋjuo n nyina Hesiroŋ, Hesiroŋ wʋjuo n nyina Peresi,

Peresi wʋjuo n nyina Yuda,

34 Yuda wʋ juo n nyina Yakubu,

Yakubu wʋjuo n nyina Isaki, Isaki wʋjuo n nyina Abiraham,

Abiraham wʋjuo n nyina Tara, Tara wʋjuo n nyina Naho,

35 Naho wʋjuo n nyina Serugi, Serugi wʋjuo n nyina Rawu,

Rawu wʋjuo n nyina Faleki, Faleki wʋjuo n nyina Eberi,

Eberi wʋjuo n nyina Sela.

36 Sela wʋ juo n nyina Kenaŋ,

Kenaŋ wʋjuo n nyina Afasadi, Afasadi wʋjuo n nyina Sem,

Sem wʋjuo n nyina Nowa, Nowa wʋjuo n nyina Lameki,

37 Lameki wʋjuo n nyina Metusala, Metusala wʋjuo n nyina Enoki,

Enoki wʋjuo n nyina Jareti, Jareti wʋjuo n nyina Mahaleli,

Mahaleli wʋjuo n nyina Kenaŋ.

38 Kayinani wʋjuo n nyina Enosi,

Enosi wʋjuo n nyina Seti, Seti wʋjuo n nyina Adam,

Sɛ Adam wʋjuo n nyina Ɩsʋɔ.