Alʋ dɩsʋbʋ yɩɛrɛ wʋrʋ mʋ nuŋ alifeŋsa susaa Yesu
36 Farasitina baa tɩba wʋrʋ yagɛ Yesu sɛ wʋ n kɔŋ na baa di, sɛ wʋ ju Farasi wʋkpa wʋŋ waa dʋɔ ga cha na wʋ a di. 37 Alʋ dɩsʋbʋ yɩɛrɛ wʋrʋ wɩɛ dɩɛ gana naŋ dɩmaŋ. Gʋ wʋ nyii sɛ Yesu wɩɛ Farasi wʋkpa wʋŋ waa dʋɔ wʋ a di na, wʋ mʋ sapɩɛ bie gaa nuŋ alifeŋsa wɩɛ ga tɩba kɔŋ dɩmaŋ. 38 Sɛ alʋ wʋŋ lɩɩ Yesu wʋrʋgbɩɛ gaa sɩŋ wʋ nafara tie wʋ a wii asa lɩŋ wʋ a wʋrʋgɩ wʋ nafara dʋɔ. Sɛ wʋ mʋ wʋ nyi nyʋɔsɛ kpaɩ, puga ɩ sɛ wʋ chɩɛgɩ nuŋ alifeŋsa ŋii wʋrʋgɩ dʋɔ.
47 Ŋina dʋɔ, maa tawɩ nyaŋ sɛ ma mʋ wʋ dɩsʋbʋ fɔɩ ŋii chɩɛ ɩ, akala takɩɛ wʋ a ja maŋ fɔɩ. Ama wʋŋ wʋ mʋ wʋ dɩsʋbʋ pii chɩɛ ɩ na, wʋŋ gba wʋ jawʋ yɩɛ pii bɛ.>>
48 Sɛ Yesu tawɩ alʋ wʋŋ sɛ, <<Ma mʋ n dɩsʋbʋ chɩɛ nyaŋ.>>
50 Sɛ Yesu tawɩ alʋ wʋŋ sɛ, <<N lɩɛdi lɩɛ nya nkpa. Pala wʋsɛfɩɛ naŋ.>>