1 Yesu Kirisito duluŋ naŋ yɩrɩɛ mɩnaŋ. Yesu Kirisito yɩɛ Juo Dawidi ganana bie bɛ sɛ wʋ ti wʋ yɩɛ Abiraham ganana bie.

2 Abiraham bu n nyina Isaki,

sɛ Isaki bu n nyina Yakubu

Yakubu bu n nyina Yuda na wʋ nabie.

3 Yuda bie n nyina Peresi na Sera ba naa n nyina Tama.

Peresi bu n nyina Hesiroŋ,

sɛ Hesiroŋ bu n nyina Ram.

4 Ram bu n nyina Aminadabi,

sɛ Aminadabi bu n nyina Naasoŋ,

sɛ Naasoŋ bu n nyina Salimoŋ.

5 Salimoŋ bu n nyina Bowasi wʋnaa n nyina Rahabu,

sɛ Bowasi bu n nyina Obedi wʋnaa n nyina Ruti,

sɛ Obedi bu n nyina Yese.

6 Yese bu n nyina juo Dawidi.

Juo Dawidi bu n nyina Solomoŋ. Dawidi na alʋ wʋrʋ wʋŋ nafʋɔ wʋ yɩɛ Yuriya alʋ na n lʋrʋ Solomoŋ.

7 Solomoŋ bu n nyina Rehobowam.

Rehobowam bu n nyina Abiya,

sɛ Abiya bu n nyina Asa.

8 Asa bu n nyina Yehosafati,

sɛ Yehosafati bu n nyina Yehoram,

sɛ Yehoram bu n nyina Yosiyasi.

9 Yosiyasi bu n nyina Yotam,

sɛ Yotam bu n nyina Ahasi.

Ahasi bu n nyina Hesekiya.

10 Sɛ Hesekiya bu n nyina Manase,

sɛ Manase bu n nyina Amoŋ.

Amoŋ bu n nyina Yosiyasi.

11 Yosiyasi bie n nyina Yekoniya na wʋ nabie. Dɩmʋŋ saŋa gana sɛ Babiloŋtina yuo chaŋ Isiralitina mʋ ba ju ba tibi dʋɔ.

12 Gʋ ba mʋ ba ju ba tibi dʋɔ wʋrʋgbɩɛ na,

sɛ Yekoniya lʋrʋ Salatiya,

sɛ Salatiya dʋɔ bu nyina Serubabeli,

13 Serubabeli bu n nyina Abiwudi.

Abiwudi bu n nyina Eliyakim,

sɛ Eliyakim bu n nyina Asori.

14 Asori bu n nyina Sadoki,

Sɛ Sadoki bu n nyina Akim.

Akim bu n nyina Eliwudi,

15 Eliwudi bu n nyina Eleyasa,

Eleyasa bu n nyina Mataŋ,

sɛ Mataŋ bu n nyina Yakubu.

16 Yakubu bu n nyina Yosefu, wʋ alʋ n nyina Mariya wʋŋ wʋ lʋrʋ Yesu wʋŋ baa yagɛ sɛ Kirisito na.

17 Lɩɩ Abiraham saŋa mʋ gaa tala Juo Dawidi saŋa na, ba cha ba yɩɛ duluŋ gifi banara. Lɩɩ saŋa gaa Babiloŋtina yuo chaŋ Isiralitina mʋ ba ju ba tibi dʋɔ na, ba cha ba yɩɛ duluŋ gifi banara. Lɩɩ saŋa gaa Babiloŋtina yuo chaŋ Isiralitina mʋ ba ju ba tibi dʋɔ na mʋ gaa tala gʋ ba lʋrʋ Kirisito na, wʋ duluŋ cha ba yɩɛ gifi banara.

18 Ŋina n nyina Yesu Kirisito lʋrʋ dʋɔ wɩɛ. Ba mʋ Mariya fa Yosefu sarɛ. Pɔɩ na baa saa na, ba na gʋ wʋ dɔŋna fɩlɩ gaa ga lɩɩ Ɩsʋɔ Feliŋ naŋ. 19 Gʋ Yosefu wʋŋ wʋ a kɔŋ wʋ a gaa saa Mariya yɩɛ wʋ chirigisa dʋɔ, wʋ aa ja sɛ wʋ a ŋaba Mariya bakpa naŋ ŋ. Dɩmʋŋ dʋɔ wʋ yɩɛ wʋ nfɩɛrɛ sɛ wʋ a yela ɩ sarɛ yela wʋrʋ n na a.

20 Gʋ Yosefu fa nfɩɛrɛ ŋina na, kɩɛ Ɩsʋɔ gabʋɔ lɩsɛ wʋ wʋsɛ kalaa ɩ duosi naŋ tawɩ ɩ sɛ, <<Yosefu, Juo Dawidi ganana bie, n baa se nyɩŋtɩɛ na nyaa mʋ Mariya takɩɛ nya alʋ. Akala takɩɛ wʋ fɩlɩ gaa lɩɩ Ɩsʋɔ Feliŋ naŋ bɛ. 21 Wʋ a lʋrʋ bu baalɛ na ɩ yagɛ ɩ sɛ Yesu. Akala takɩɛ wʋŋ aaŋ ja wʋ a gaa mɔlɔgɩ wʋ bakpa lɩɩ dɩsʋbʋ naŋ.>>

22 Ŋina kpiniŋ kɔŋ tɩba ganaŋkʋ Ɩsʋɔ wɩɛ ŋii wʋ pala na wʋ bajana dʋɔ tawɩ na, a kɔŋ tɩba sɛ, 23 <<Galibie wʋŋ wʋ ba jiŋ baalɛ na aja yu fɩlɩ na wʋ a lʋrʋ bu baalɛ, na baa yagɛ ɩ sɛ Imanuweli>>✝ Gaa ga tie akala sɛ, <<Ɩsʋɔ wɩɛ daa jaŋ.>>

24 Gʋ Yosefu feŋ na, wʋ yɩɛ ganaŋkʋ Ɩsʋɔ gabʋɔ wʋŋ tawɩ ɩ na. Sɛ wʋ mʋ Mariya ju wʋ waa dʋɔ takɩɛ wʋ alʋ 25 Ama Yosefu n duo na Mariya a mʋ ga tala gʋ wʋ lʋrʋ bu baalɛ. Sɛ Yosefu sii ɩ yɩrɛ sɛ Yesu.