Wʋŋ ba n se ɩ na
26 Sɛ Yesu ju dʋɔ tawɩ sɛ, <<N baa se ba nyɩŋtɩɛ. Bʋrʋkʋma gaa ba fu ga dʋɔ na, gaa fulu dʋɔ na baa na. Dɩmʋŋ sɛ wɩɛ ŋii ŋɩ wɩsaɩ na, aja lɩɩ na baa na. 27 Wɩɛ kʋma ŋii maa tawɩ gɩbɩrɩ naŋ na, n tawɩ ŋɛ bakpa naŋ. Wɩɛ ŋii ba muni dʋ n dɩlɛ naŋ na, n jɔ ŋɩ dʋɔ dawuta.>> 28 N baa se baa baa dɩlɛ kʋ wʋsɛ nanɛ, ama baa dɩlɛ kʋ sʋbʋ ʋ. Ama n se Ɩsʋɔ wʋŋ wʋ a dɩlɛ warɩɛ sʋbʋ na wʋsɛ nanɛ kpiniŋ awʋrʋfʋɔ bʋala naŋ. 29 Naa kpaŋnyɔ sɛ baa mʋ lɩɛ tʋra jimbisi banʋŋ? Ama Ɩsʋɔ amɩɛ Juo n fa gbɩɛ na, ba wʋrʋ taŋ wʋ a sala a. 30 Ama amɩɛ bɩrɛ, wʋ jiŋ amɩɛ nyi nyʋɔsɛ kpiniŋ nʋɔ. 31 Dɩmʋŋ dʋɔ n baa se nyɩŋtɩɛ, akala takɩɛ ɩ yɩɛ ba kpari kii tʋra jimbisi fɔɩ.