Farasitina na Sadukitina aja adaŋgana baa na
1 Sɛ Farasitina na Sadukitina barɛ kɔŋ Yesu jaŋ na baa gaa yɩɛ ɩ lɔ tɩba, dɩmʋŋ dʋɔ ba tawɩ ɩ sɛ wʋ n yela na adaŋgana a lɩɩ Ɩsʋɔ adugbe kɔŋ.
2 Sɛ Yesu lɩsɛ ba nʋɔ sɛ, <<Dɩ tala bʋyanɔ na, ɩ tawɩ sɛ, <Duoni tanɩɛ aja yɩɛ dieli akala takɩɛ duoni tanɩɛ chɩbɛ,> 3 sɛ nafo dʋɔ, ɩ tawɩ sɛ, <Jaŋ duoni aja nɩɛ, akala takɩɛ duoni cha sɛ duoni tanɩɛ biri.>Ɩ dɩlɛ ɩ kɩɛ Ɩsʋɔ tanɛ naŋ na ɩ kalaa ŋii ŋii kɔŋ tibi na, ama daasɛ ŋii ŋii tibi saŋa gana na, ɩɩ nyii tie e. 4 Amɩɛ nyinaŋ doŋ gɩnanaŋ sɛ ɩ yɩɛ gɩ baa di gasiŋteŋ fa Ɩsʋɔ, ɩ aja adaŋgana na ɩ na. Ama ɩɩ na ŋarɛ ɛ, amʋɔ ŋii ŋɩ tibi Yona dʋɔ na.>> Sɛ Yesu yela ba sɛ wʋ lam.
Maakɩ 8:14-21