Petero kalaa wʋkpa wʋŋ Yesu yɩɛ
13 Gʋ Yesu ju Kayisariya Filipi tibi dʋɔ na, wʋ tasɛ wʋ kpalɛnara baa sɛ, <<Mmʋɔ sɛ bakpa a tawɩ sɛ Wʋkpa Bu wʋŋ yɩɛ?>>
16 Sɛ Simoŋ Petero lɩsɛ nʋɔ sɛ, <<Nyaŋ n nyina Kirisito,16:16 Girikitina a yagɛ Kirisito sɛ Yudatina a yagɛ Mesaya Ɩsʋɔ wʋkɩɛnasa wʋŋ Bu.>>
Yesu tawɩ wʋ awʋrʋfʋɔ na wʋ sɩŋ wɩɛ
21 Lɩɩ dɩmʋŋ saŋa gana mʋ a ju na, Yesu fara wʋ a tawɩ wʋ kpalɛnara baa sɛ ŋɩ tiri gʋ wʋ a ju Yerusalem na wʋ a na awʋrʋfʋɔ fɔɩ dɩɛ bɩnɩɛ, Ɩsʋɔ sei bɩnɩɛ na mbara bakalaasa pamɩɛ naŋ na baa kʋ ɩ, ama wɩɛ atoro wɩɩ na, wʋ a feŋ lɩɩ sɩŋ naŋ.
22 Sɛ Petero yagɛ Yesu lɩɩ laraŋ sɛ wʋ tawɩ baŋ ɩ sɛ, <<Kpaŋjuo, Ɩsʋɔ n mʋ ju taŋasɛ! Ŋina baa tibi n dʋɔ ɔ.>>
23 Sɛ Yesu biliŋi kɩɛ Petero sɛ wʋ tawɩ ɩ sɛ, <<Lɩɩ ma dʋɔ Sɩtanɩ! Nya yɩɛ gbɩɛ garadɛ bɛ fa maŋ, akala takɩɛ wʋkpa nfɩɛrɛ sɛ nyaa faa, naa Ɩsʋɔ teri i.>>
24 Sɛ Yesu tawɩ wʋ kpalɛnara baa sɛ, <<Wʋkʋma wʋŋ wʋ a ja sɛ wʋ a kpaŋ maŋ na, ŋɩ tiri gʋ wʋ a yela wʋ tɩŋtɩŋ wʋ jawʋ na wʋ a mʋ wʋ daŋ gasagasa na wʋ a kpaŋ maŋ. 28 Maa tawɩ sɛ n nyii na dieli sɛ, amɩɛ baa ɩ wɩɛ jɩna na barɛ baa na sɩŋ ŋ ga tala gʋ baa na Wʋkpa Bu wʋŋ bɔrɛ wʋ a kɔŋ wʋ juori naŋ.>>