Mateus 16

Farasitina na Sadukitina yiisi dʋɔ wɩɛ

5 Gʋ wʋ kpalɛnara baa tɩɛsɛ lɩɩ gaa ju gatɩɛsa na, dɩmaŋ sɛ ba nyiŋi gʋ ba n mʋ bodobodo o, 6 Yesu tawɩ ba sɛ, <<N kɩɛ amɩɛ wʋsɛ dʋɔ na dieli lɩɩ Farasitina na Sadukitina yiisi*16:6 Yiisi yɩɛ tii bɛ sɛ ba mʋ dʋ bodobodo mʋlʋŋ na sɛ ŋii yɩɛ gafʋʋ dʋɔ.>>

7 Sɛ wʋ kpalɛnara baa tawɩ ba nyiŋeŋ-nyiŋeŋ sɛ, <<Bodobodo gaa dɩ n mʋ na dʋɔ sɛ wʋ tawɩ dɩmʋŋ.>>

8 Gʋ Yesu jiŋ wɩɛ ŋii baa tawɩ na, wʋ tasɛ ba sɛ, <<Amɩɛ baa amɩɛ lɩɛdi n bɔla a, be n yɩɛ sɛ ɩ tawɩ amɩɛ nyiŋeŋ-nyiŋeŋ sɛ dɩ tana bodobodo? 9 Ɩ saŋ ɩŋ nyii ta tie? Ɩ nyiŋi bodobodo anʋŋ ŋii ma jaɩ fa bakpa kɔrʋɔsɛ sɩ nʋŋ (5,000) sɛ ba di kakaa na, gachaŋasɛ aŋmaŋ sɛ ɩ kuiwu? 10 Yaa bodobodo lɩkaarɛ ŋii ma jaɩ fa bakpa kɔrʋɔsɛ sɩ nara (4,000) sɛ ba di kakaa na, gachaŋasɛ aŋmaŋ sɛ ɩ kuiwu? 11 Be n yɩɛ sɛ ɩɩ nyii tie sɛ naa bodobodo wɩɛ sɛ maa tawɩ maa fa amɩɛ? Ama n kɩɛ amɩɛ wʋsɛ dʋɔ na dieli lɩɩ Farasitina na Sadukitina yiisi dʋɔ.>> 12 Dɩmaŋ sɛ wʋ kpalɛnara baa nyii tie gʋ naa yiisi ŋii baa mʋ baa dʋ bodobodo tɩba na wɩɛ sɛ wʋ a tawɩ sɛ ba n kɩɛ ba wʋsɛ dʋɔ na dieli i, ama Farasitina na Sadukitina kalaa wɩɛ sɛ wʋ dʋɔna.