15 Sɛ Yesu ju dʋɔ tawɩ sɛ, <<N dʋɔ lɩɛdɩrɛ yɩɛ nyaŋ dɩsʋbʋ na, ju wʋ jaŋ ga tawɩ ɩ wʋ dɩsʋbʋ nyaŋ na ɩ bala. Wʋ nyii wʋ dɩsʋbʋ tie na, na ɩ ti yɩɛ dɔŋa lɩɛdɩra. 16 Ama sɛ wʋ n nyii wʋ dɩsʋbʋ tie na, mʋ wʋkpa wʋrʋ yaa bakpa bala kpi n wʋsɛ dʋɔ ju wʋ jaŋ ganaŋkʋ aja yɩɛ na Sabɩɛwɩɛ ŋii ŋɩ tawɩ sɛ, <Wɩɛ kʋma ŋii baa mʋ pʋɩ wʋrʋ na aja tiri (seriyatina bala yaa batoro) bakpa bala yaa batoro seriya.>✝18:16 Ditiro 19:15. 17 Sɛ wʋ pɩɛ wʋ n nyii ba jaŋ na, n tawɩ Kirisito lɩɛdɩra dikpeŋ asanaŋ, sɛ wʋ n nyii ba jaŋ na, mʋ ɩ takɩɛ wʋ yɩɛ wʋŋ wʋ ba jiŋ Ɩsʋɔ na yaa lampo lɩɛrɛ.>>

18 Sɛ Yesu tawɩ sɛ, <<Maa tawɩ sɛ n nyii na dieli sɛ wɩɛ kʋma ŋii ɩ pɔgʋ ŋɛ tibi dʋɔ na, baa pɔgʋ ŋɛ Ɩsʋɔ adugbe. Sɛ wɩɛ kʋma ŋii ɩ pɩɛ ŋɛ tibi dʋɔ na, baa pɩɛ ŋɛ Ɩsʋɔ adugbe.>>

19 Sɛ Yesu tawɩ sɛ, <<Ma ti bɔrɛ maa tawɩ amɩɛ sɛ bakpa bala tawɩ kpa sɛ ba jɔ dɩga tasɛ bʋrʋ garɛ na, Majuo wʋŋ wʋ wɩɛ Ɩsʋɔ adugbe na aja yɩɛ fa ba. 20 Akala takɩɛ diele gaa bakpa bala yaa batoro jaŋi ma yɩrɛ naŋ na, ma kpi ba dʋɔ.>>