Kpiŋjimtina baa ba lɩɩ dɩlɩɩtɩŋ na wʋsɛ dʋɔ wɩɛ
1 Ba lʋrʋ Yesu Betilehem gaa ga wɩɛ Yudiya tibi dʋɔ, dɩmʋŋ saŋa gana na Hɛrɔdɩ n nyina Juo. Wʋ lʋrʋ wʋrʋgbɩɛ na, kpiŋjimtina barɛ lɩɩ dɩlɩɩtɩŋ kɔŋ Yerusalem 2 gaa tasɛ sɛ, <<Le sɛ ba lʋrʋ wʋchaa fɔlɛ wʋŋ wʋ a gaa yɩɛ Yudatina Juo naa? Dɩ na wʋ gachikpebi wiita dɩlɩɩtɩŋ sɛ dɩ kɔŋ na dɩ gaa tʋŋ ɩ.>>
11 Gʋ ba jʋʋ waa gaa tɩba na, ba na wʋchaa fɔlɛ wʋŋ na wʋ naa Mariya sɛ ba luuŋ tʋŋ ɩ. Sɛ ba buoli ba akpaŋta kpari didaka lɩsɛ aterembie asɩɛma, mʋlʋŋ tii alifeŋsa na ɩnsɛnsɩ gafɔla lira mʋ fa ɩ takɩɛ afaasa.
16 Gʋ Juo Hɛrɔdɩ jiŋ gʋ kpiŋjimtina baa pɩna ɩ na wʋ kara biŋbira fɔɩ. Sɛ wʋ dʋ wʋ yuora baa sɛ baŋ kʋ bachaasɛ baala jaŋ baa ba tala bɩŋsɛ sɩla na baa ba n tala ta bɩŋsɛ sɩla sɛ ba wɩɛ Betilehem na ga dɩɛsɛ bisi kpiniŋ naŋ. Wʋ tawɩ dɩmʋŋ akala takɩɛ lɩɩ saŋa gaa wʋ nyii lɩɩ kpiŋjimtina baa jaŋ na, wʋchaa wʋŋ aja wɩɛ dɩmʋŋ bɩŋsɛ ŋina tɩba.