Yesu jʋʋ Yerusalem takɩɛ Juo
1 Gʋ Yesu na wʋ kpalɛnara baa a ju sɛ ba tirina Yerusalem dɩɛ na, gʋ ba tala Betifage dɩɛ bie gaa ga wɩɛ olifi dasɛ bʋrɔŋ bie gaa dʋɔ na sɛ Yesu kpiri wʋ kpalɛnara baa tɩba bala, 2 sɛ wʋ tawɩ ba sɛ, <<N ju dɩɛ bie gaa ga wɩɛ amɩɛ asanaŋ na naŋ. Gʋ ɩ jʋʋ na, ɩ na kpaŋa pɔgaɩ yela kpaŋa bie wʋrʋ sɩmɩɛɩ wʋ jaŋ, n buoli ba kɔna maŋ. 3 Sɛ wʋrʋ tasɛ amɩɛ bʋrʋ darɛ na, n tawɩ ɩ sɛ Kpaŋjuo wʋŋ n tiri ba, wʋ a fa amɩɛ gbɩɛ na ɩ mʋ ba kɔna maŋ.>>
4 Ŋina yɩɛ dɩmʋŋ na wɩɛ ŋii Ɩsʋɔ pala na wʋ ɔja dʋɔ tawɩ si na a kɔŋ tɩba sɛ,
5 <<Tawɩ Siyoŋ dɩɛ sɛ
N kɩɛ amɩɛ juo a kɔŋ amɩɛ jaŋ,
wʋ fʋʋ sɛ wʋ chaɩ kpaŋa,
kpaŋa bie wʋrʋ dʋɔ.>>21:5 Sak 9:9.
6 Sɛ wʋ kpalɛnara baa ju ga yɩɛ ganaŋkʋ Yesu kalaa ba sɛ baŋ ga yɩɛ na. 7 Ba mʋ kpaŋa wʋŋ na kpaŋa bie wʋrʋ kɔna Yesu, ba mʋ ba adugbe gagbasɛ jaga wʋ dʋɔ sɛ Yesu cha ŋɛ dʋɔ. 8 Bakpa fɔɩ mʋ ba adugbe gagbasɛ tɔ gbɩɛ naŋ sɛ barɛ dʋɔ wʋŋɩɩ abilafa tɔ gbɩɛ naŋ. 9 Sɛ jama baa ba dɔŋ asanaŋ na baa ba kpamɩna wʋrʋgbɩɛ na kpiniŋ kuusi sɛ,
<<Hosana21:9 Hosana yɩɛ Hibiri dɩtawɩ bɛ, ga tie akala sɛ mɔlɔgɩ. Wʋrʋgbɩɛ na ga gaa sɩŋ fa kalɩɛwʋ. n ju fa Dawidi ganana bie.>>
<<Kusee n nyina wʋŋ wʋ a kɔŋ Ɩsʋɔ yɩrɛ naŋ!>>21:9 Num 118:25-26.
<<Hosana21:9 Hosana yɩɛ Hibiri dɩtawɩ bɛ, ga tie akala sɛ mɔlɔgɩ. Wʋrʋgbɩɛ na ga gaa sɩŋ fa kalɩɛwʋ. n ju fa Ɩsʋɔ wʋŋ wʋ wɩɛ adugbe na!>>
10 Gʋ Yesu jʋʋ Yerusalem dɩɛ naŋ na, dɩɛ gaa kpiniŋ asadi fɔɩ sɛ ba tasɛ sɛ <<Mmʋɔ bɛ?>>
11 Sɛ jama baa lɩsɛ nʋɔ sɛ, <<Wina n nyina Yesu, Ɩsʋɔ ɔja wʋŋ wʋ lɩɩ Nasarati gaa ga wɩɛ Galaliya tibi dʋɔ na.>>
Maakɩ 11:15-19; Luka 19:45-48