N kɩɛ na dieli mbara bakalaasa na Farasitina baa dʋɔ
1 Sɛ Yesu tawɩ jama baa na wʋ kpalɛnara baa sɛ, 2 <<Mbara bakalaasa na Farasitina baa nyiŋeŋ n wɩɛna yikuo na baa dɩlɛ kalaa Mosesi mbara ŋii tie. 3 Dɩmʋŋ dʋɔ ŋɩ tiri gʋ n nyii ba wɩɛ na ɩ yɩɛ bʋrʋkʋma gaa ba tawɩ amɩɛ na. Ama n baa yɩɛ bʋrʋ gaa baa yɩɛ na, akala takɩɛ ba tɩŋtɩŋ baa di ba kalaa dʋɔ ɔ. 4 Baa pɔgʋ gasʋlasɛ anyuŋtina mʋ sɩlɛ bakpa, ama ba tɩŋtɩŋ bɩrɛ baa ja sɛ baa mʋ ba pam nyiŋbie gba chɔna ba a.>>
5 Gʋ baa ja baa yɩɛ bʋrʋkʋma na bakpa a na ba dʋɔ na, ba yɩɛ nam tanɛ adaka a pii-pii ŋii baa sabɩɛ Ɩsʋɔ wɩɛ baa dʋ ŋɩ tɩba, ŋii baa mʋ baa pɔgʋ ba tulie na ba pamɩɛ dʋɔ na ajanɩɛ, na ŋii baa mʋ baa saga ba adugbe gagbasɛ nʋɔsɛ na gba ajalɩŋtina. 6 Baa ja achaatɩŋ ŋii ŋɩ wɩɛ jilima na asadi adiya di tie, na achaatɩŋ ajanɩɛ Yudatina tʋm danɩŋ naŋ, 7 baa ja sɛ bakpa a luuŋ yɩlɩ ba gɩyɩɛnɩŋ naŋ na baa yagɛ ba sɛ, <<Bakalaasa.>>