Yesu akugalwa muna chitala
53 Kamala wakamgala Yesu kui kaya ya Mulava Nt’hambiko Mkulu. Walava nt’hambiko wakulu wose na vilongozi na wafunza Malagilizo wakala waifika hant’hu aho. 55 Wakulu wa walava nt’hambiko hamwenga na want’hu wose wa chitala wakalonda mbuli ikulonda kumtenda Yesu akomigwe, mbali hawapatile. 56 Want’hu wengi wakalonga mbuli za uhuni kuhusu Yesu, mbali mbuli zawe wazilongile hazilingane.
61 Mbali Yesu akanyamala tulu, halongile mbuli yoyote. Mlava nthambiko mkulu akamuuza kaidi, "Vino, weye ndo Kilisito, Mwana wa Mulungu akufugamalalilwa?"
62 Yesu akalonga, "Ena, ni nie. Mweye namnione nie Mwana wa Mnt’hu nidundumala ubanzi wa kulume wa Mulungu mwenye nguvu, nanize muna mawingu." 63 Aho mulava nt’hambiko mkulu akaidega nk’hanzu yake kwa kulagisa maya, akalonga, "Hachikulonda want’hu wamwenga weze kugendelela kuchilongela mbuli zake. 64 Wose muhulika vila akumdukana Mulungu! Elo mweye mkulonda chimtendeze?" Want’hu wose wa chitala wakalonga akomwe.