Yesu akuwasagula want’hu kuwa watumigwa
13 Yesu akakwela kudigamba na akawatanga wala awalondile. Na ao wakamkola, 14 nae akawasagula want’hu kumi na waidi na akawatanga watumigwa. Akalonga, "Niwasagula mweye muwe hamwenga na nie vilavila naniwatume kuzilonga Mbuli Zidamane, 15 na kuwenk’ha udahi wa kuviinga vinyamkela viwalawe want’hu."
16 Wano ndo want’hu kumi na waidi wasaguligwe na Yesu. Saimoni ndo amtangile Petulo 17 na Yakobo mwana wa Zebedayo na Yohana ndugu yake Yakobo awatangile zina Boanelige, manake wana wa mdudumo 18 na Andelea na Filipo na Batolomayo na Matayo na Tomaso na Yakobo wa Alifayo na Tadei na Saimoni mtoanila isi yake 19 na Yuda Isikalioti ila ezile kumbiduka Yesu.
Matayo 12:22-32; Luka 11:14,23; 12:10