Gott es Leew
7 Jeleewde, lot ons unjarenaunda leewen, wiels de Leew von Gott es, un wäa doa leeft, es von Gott jebuaren un kjant Gott. 8 Wäa nich leeft, kjant Gott nich, wiels Gott es Leew. 9 Doarenn es Gott siene Leew to ons jeopenboat worden, daut Gott sienen eenjebuarnen Sän en de Welt jeschekjt haft, daut wie derch Am läwen sellen. 10 Doarenn besteit de Leew: Nich, daut wie Gott jeleeft haben, oba daut Hee ons jeleeft haft un sienen Sän jeschekjt haft aus de Veseenunk fa onse Sinden.
16 Un wie haben de Leew erkjant un jejleeft, dee Gott to ons haft. Gott es Leew; un wäa en de Leew blift, blift en Gott un Gott en am. 19 Wie leewen Am, wiels Hee ons ieescht jeleeft haft.