1 Ada umba kwogba, la lu wo enye yi ɔnyɔnyɛ. Lunyi la lu lolo tee lunyi tete lu yi Adakwogba moshi.

2 La lu kyakpɔ mu Ukpo ilɛma, la lu rima mu igbomo tabɔkɔ lu lɛ Ukpo awu, la lu gbɛlɛ Ukpo ɛnyi. 3 Lunyi ba la lu lɛ Ukpo kwuwo nzu tete, kaa Ukpo le shi nzu kapa kaa la ki tanu iyi kwunvyeru iyi Okrasi. Moo akwu kwuwo kwɔlɛ gba mi yi mu ugu ugyi le. 4 Kwuwo kwɔlɛ, la lu lɛ Ukpo kaa la mi tanu ɛlɛ marimari.

5 La lu yi ilukwu mu iŋɔma yi mbala enzu umba bɔkɔ akwu wa mbwalu mo, kapa unganangana unga bɔkɔ lu fya, la lu wo ɛduma ma nga. 6 Iso iyi kenzu yi la kwu iyi angba lu ŋɔ mbala esheshi, la lu yitu iyi lu gba opwu uwesheshi laa onzu uwunawuna.

7 Umɛza nzu uwu kasɛkɛ Otakiku, uwu bɔkɔ akwu u mbwalu shɛ mbala u mbwalu mu ɛduma iyi Ɔkwu iwomo awu, a ba yi ɛza mi lɛɛbi. 8 Akwu kwuwo kwɔlɛ gba mi ye wu mu ilɔma munyi yi le, kaa le so yi ewo iyi bɔkɔ ki yi mu iwomo kaa la ka yi ɛnwu ma. 9 Mi lɔ Onisimo ma kaa la zɛ mbala wu tete, umanyi nzu mbala onzu ongbulolo, uwu bɔkɔ e kyo muzhi yi awu. O so yi apula lɛɛbi iyi bɔkɔ i yi mu iwomo munɛ.

10 Arisitaku, uwu bɔkɔ e yi mu ugu ugyi mbala mi ele, e ye yi mu ɛnyi igbɛlɛma, i kyo Omaki, uwu bɔkɔ akwu ɛmɛ umbi imɛnɛ mbala Obanaba awu. (O so yi-e ewo iyi bɔkɔ luu na Omaki ma mu ewo epo akwiyi gba e bo munyi yi.) 11 Ozhoshuwa uwu bɔkɔ o ya wu te Ɔzhɔsitu awu, a lɔ ma tee lɔ gbɛlɛ yi ɛnyi tete. Enzu wala mbɔlɛ kɛɛkyi gba akwu Azhu umba bɔkɔ akwu wa mbwalu umba bɔkɔ o yi mu ɛduma iwomo iyi Irɛsu iyi Ukpo mbala mi le, umba ba o ye mi mu imbwama gyɔɔ.

12 Epafarasi, uwu e kyo mu uzhi yi, ba akwu umɛgba uwu Okrasi Ɔzhizɔsi awu, e ye yi mu ɛnyi igbɛlɛma. Aa lɛ Ukpo shɛ kwuwo yi kwuyengwunanguna, a nda Ukpo te le shi yi kaa la lu rima ngiri, kaa la lu kɔma kaa la lu kwu wa mbwalu umba bɔkɔ o wo iyi Ukpo a gyi. 13 Imi mafyi mi mi na izɔgɔ iyi ɛduma iyɛkɔ iyi bɔkɔ e wo kwuwo yi mbala enzu umba bɔkɔ o yi mu Olawodisiya mbala Ɛrapɔli.

14 Oluku, u lo epu uwu idɛnyi nzu, mbala Odimasi o lɔ ma tee lɔ gbɛlɛ yi ɛnyi.

15 La lu gbɛlɛ wa mbwalu umba bɔkɔ o yi mu Olawodisiya mbala Onifa mbala Ɔshɔshi uwu bɔkɔ o kpalɛlu mogba wu awu ɛnyi. 16 Mizhikembo iyi bɔkɔ lu wa kwupwu kwɔlɛ ma, la lu shi kaa lo wanguma mu ɔshɔshi uwu e yi mu Olawodisiya awu tete. Tatayi la lu wa kwupwu ungwu bɔkɔ wa mbwalu umba bɔkɔ o yi mu Olawodisiya awu o bo lɔ o ka yi.

17 La lu za laa Akipu tee, <<Bɔ kwuyi kaa mbwa ɛduma iyi bɔkɔ Ɔkwu e shi ŋɔ awu iwomo.>>

18 Mu kwuwo mi gba mi ka ɛnyi igbɛlɛma ɛlɛ le: Ɛnyi igbɛlɛma mbaa Ɔpɔlu. La lu kala kuleyi te mi yi mu ɛyɛ mo mɛɛ!

Esheshi iyi Ukpo mi li yi mbala yi.