KOLOSIYAWA 1

Yesu Kiristi E pi kowoni mbo Guru

15 Yesu e shiya ma kamani Mirikisi de muma geni ba. E shiya ma Yaa pari ni Mirikisi a siki mbode yi guru. 16 Sobon te anya Yesu la Mirikisi yi guru mbode ma a siki bisi nja kisi, mbode mua geni nja nsude mua geni ba, nzun solota ko sori ko nsu solota ko yiko. Mirikisi yi guru mbo te anya e yi nja sobon e shi la. 17 Yesu ma kapi guru mbo, te anya Yesu la guru mbo mala nkiya su. 18 Kiristi nama kamkyiya ni nki, ni nsubiya yi; e shiya ma tutiri ni leyi, de ma pari nja Yaa pari de dege a kumsha, sobon de e ma ni pari a siki guru mbo. 19 Sobon e jima Mirikisi de sa guru sisika kame yi a siki Yesu. 20 Te anya Yesu la Mirikisi shiriya guru mbo, mbode ma a bisi nja kisi, Mirikisi zo selema te anya zini Yaa yi de nya a kiya gidiri yomuna e keyi guru mbo, a kisi nja a bisi zo ma na yi.