ኢዮቤ ማጻፋ 24

1 «ኡባ ዳንዳይዛ ጾሳይ

ኣይስ ባ ፒርዳ

ኢማና ጋላሳ ባሪቤኔ?

ኢዛስ ኣማኔቲዳይቲ

ኣዉዴ ጋካናስ

ኢዛ ፒርዳ ቃላ ናጌታንዴቶ?

2 ኢታ ኣሳቲ ዛዋ ላሌቴስ፤

ካይሲ ኤሂዳ ዶርሳታ ሄሜቴስ።

3 ዪኦታ ሃሬ ቦንቄቴስ፤

ኣምኤ ማጫሳያ ቦራ ኦይዱስ

ጊዲ ባንታስ ኤኬቴስ።

4 ማንቆታ ሻቴቲዲ

ጮ ኦጌፔ ጎዴቴስ፤

ኢስታ ሲንፌ ባቃቲዲ

ቆቴታና ማላ ኦቴስ።

5 ማንቆቲ ባዞን ዲዛ ሃርዲዳ ማላ፥

ባንታ ናይታስ ካ

ኮያና ኬኢዲ ዳቡሬቴስ።

6 ኡኔቲዲ ሃራታስ

ካ ሺሺዛይታ ጊዴቴስ፤

ኢታ ኣሳታ ሃሮ

ጊዲዳ ዎይኔ ቶኪዛሶሆዛን

ጌዶን ኣቲዳ ፑሹሎ ማጼቴስ።

7 ኩሜ ኦማርስ

ካሎ ኢቺ ኣቄቴስ፤

ሞጬ ኣሺዛ ማይኦይ

ኢስታስ ዴና።

8 ዙማ ቦላ ቡኪዛ ኢራን

ኢስታ ኣሳቴይ ሙሴስ፤

ኣቂዛሶይ ዪን

ዛላ ጋርስ ሺቂ ኣቄቴስ።

9 ኣዋይ ሃይቂዳ ናይ

ኢስታስ ኣይሌ ጊዳና ማላ

ኣዬይ ን ዲጊዲ

ቦንቄቴስ፤

ሜቶቲዳይሳ ናዛ

ባ ኣጮ ጊሻስ ጊዲ

ኦይሶ ኤኬቴስ።

10 ማንቆቲ ኣይኮ ማይኦይ ባይንዳ

ፓጻ ካሎ ኦሶን ጌሌቴስ።

ካ ሺሾ ዎዴ

ሚርቄዛ ቶኪ ሚዪሼ

ባንታስ ጋፋን ሃይቄቴስ።

11 ኢታ ኣሳታ ጋዴን ዎጋራ ኣይፌፔ

ዛይቴ ኬሴቴስ፤

ዎይኔ ሚ ኣይፌፔ

ጫጄ ኣጌቴሴሺን

ኢስቲ ጊዲኮ ሳሜቴቴስ።

12 ካታማታን ሃይቃናስ

ቶቂዛ ኣሳቲ ጎታሬቴስ፤

ማዱንጺዳ ኣሳቲካ

ማዶ ኦይሾን ዋሴቴስ።

ጾሲ ጊዲኮ ኢስታ ቦላ

ኦሴቲዳ ጌኔዛ ቤዪቤና።

13 ፖኦ ኢጺዛ ኣሳቲ ዴቴስ፤

ፖኦይ ኣዛኮ ኤሮንታ ጊሻስ

ፖኦ ኦጌ ካሌቴና።

14 ሼምፖ ዎዛ ኡራይ

ዎንቶንታ ዴንዲዲ

ማንቆታኔ ሜቶታንቻታ

ዎስ፤

ኦማርሲካ ካይሶስ ኬዜስ።

15 ላይማ ኡራይ

ጋዴይ ኦማርሳናይሳ ናጌቴስ፤

ኦኒካ ቤኦንታ ማላ

ባ ሲን ጎዜቴስ።

16 ካይሶቲ ካይሶታናስ

ኦማርሳራ ኬ ቦኪ ጌሌቴስ፤

ጋላስ ጊዲኮ ቆቴቲ ፔኤቴስ።

ፖኦካ ኢጼቴስ።

17 ማራ ሺሮቴ

ኢስታ ኡፋይሲዛ ጊሻስ

ኡባሲካ ጊርዲ ጊዳ ማይ

ኢስታስ ዎንታ ማላዶ ማላ።

18 «ጊዲኮካ ኢስቲ ሃ ቦላ

ቤቲዛ ሆሞ ማላ

ጉ ዎዴስ ጻላ ኢስቲ ቤታና።

ኢስታ ቢታይካ

ቃንጌቲዳይሳ ጊዳና፤

ኢስቲ ዎይኔ ሚ

ቶኪዛሶሆዛ

ኦኒካ ቤና።

19 ሻቺ ሆኦን ማዪዲ

ይዛይሳ ማላ

ሲኦሌይካ ናጋራንቻታ

ባኮ ቦንቃ ኤካና።

20 ኢስታ ኣዬቲ ኡባይ

ኢስታ ዶጋና፤

ኢስታ ኣሾዛካ ጉጹኔይ ማና፤

ኢታ ኣሳቲ ቆፌቶኮና፤

ሄሳካ ሚ ማላ

ሜቄሬታና።

21 ሃይሲ ኡባይ ኢስታ ቦላ ጋኪዳይ

ኢስቲ ዬሎንታ ማይኒዳ ማጫሳታ

ቦንቂዳ ጊሻሲኔ

ኢስታ ኣዚናቲ

ሃይቂዳ ማጫሳታስ

ኣይኮ ቃቴካ

ቤሶንታ ጊሻሳ።

22 ጊዶ ኣቲን ጾሲ ባ ዎልቃን

ዳናቴን ዲዛ ኣሳታ ዲጋና፤

ኢስታስ ዴኦይ ጊጋ ሚሳቲኮካ

ኢስታ ዱሳስ

ኣማንዛ ሚሺ ዴና።

23 ጾሲ ኢስታ

ሳሮን ዳና ማላ ኦኮካ፥

ኢስቲ ቢዛ ኦጌ ኡባ

ቲሺ ሂስቲ ጼሌስ

24 ኢታ ኣሳቲ ጉ ዎዴስ ዱሬታና፤

ጊዶ ኣቲን ኤሶራ ሻራፋ ማላ

ሹሊ ያና፤

ሹላ ካ ማላ ቡጬታና።

25 «ሃይሳ ማላ ጊዴና ጌቴቲኮ

ታኒ ዎርዳንቻታኔ

ታ ሃሳይዳ ቃላይ ሊኬ ጊዶንታይሳ

ኦኔ ኣማንናይ?»