1 «ኣሳስ ቢታ ዱሳይ ባጼ ዱስ ዴኔ?

ኢስታስ ጋላሳይካ

ኡኔ ኦዛ ኦሳንቻታ

ጋላሳ ማላ ጊዴኔ?

2 ኢስቲካ ኩዋ ጋርሳን ሼምፓናስ

ኣሞቲዛ ኦሳንቻታኔ

ባ ዳሞዛ ኤካናስ ናጊዛ

ኡኔ ኣሳ ማላ ጊዴቴኔ?

3 ታ ዳቡርዳ ኣጊናቲ ታስ

ጎኣይ ባይንዳይታ ጊዲዳ፤

ሜቶ ኦማርሳቲካ

ታስ ቆፋ ኦማርስ ጊዲዳ።

4 ኢቺዛ ዎዴ ኣዉዴ

ዴንዳንዲናሻ ጋዳ ቆፓይስ፤

ኦማርሳይካ ጊዲኮ

ታስ ጌዴ ኣዱቄስ፤

ታኒካ ዎንታና ጋካናስ

ሃ ሄ ሺሬታሼ ኣቃይስ።

5 ታስ ኩሜ ኣሳቴይ

ጉጹኔን ኩሚዴስ፤

ታስ ኣሾይካ ማዱንጺ ጎጊዴስ፤

ታስ ማዱንይካ

ቂዲ ኡዛዜስ።

6 ታ ላይታ ጋላሳቲ

ዳ ሞቄ ጾንጌፌ

ኤሶቴቴስ፤

ኢሲ ሂዶታይ ባይንዳ

ዉርሴ ጋኬቴስ።

7 ታ ጎዳዉ! ታ ሼምፖያ

ፔኖ ማላ ጊዲዳይሳ ቆፓ፤

ሃይሳፌ ጉዬ ኡባካ

ሎኦ ሚሽ ዴሚኬ።

8 ሃኢ ታና ቤኢዛይሲ

ናምኣን ዛሪዲ ቤዬና፤

ኢዚ ኮይዛ ጊዲኮካ

ታና ዴማናዉ ዳንዳዬና።

9 ሻራይ ላሌቲ ይዛይሳ ማላ

ሃይቂዲ ዱፎን ቢዛ ኣሲ

ሃ ሲሚዲ ዬና።

10 ናምኣን ዛሪዲ

ባሶ ሲሜና፤

ኢዛዴ ኤሪዛይቲ ኡባይ

ኢዛ ባሌታና።

11 «ሃይሳፌ ጉዬ ጮኡ ጊኬ!

ታስ ኣያናይ ጬጪዳይሳፌ

ዴንዲዳይሳን ታ ሃሳያይስ፤

ታ ሼምፖያ ኢራዬቲዳ

ጊሻስ ዙዙማይስ።

12 ሃይሳ ሊኬ ናጌቲዛዴ

ኔ ታና ኦዳይ ታኒ ኣባዬ?

ዎይኮ ኣባ ጊዶን ዲዛ

ዶኣዬ?

13 ታ ሂጻይ ታና ሚንስ፤

ታ ኢቺዛሶይ

ታ ሳኮዛ ባሌስ

ጋዳ ታ ቆፓዲስ።

14 ኔኒ ጊዲኮ ታና

ኣጉሞን ያሺሳሳ፤

ኣጁታንካ ዳጋንሳ።

15 ሃይሳ ሜቶይ ዳሪዳ ኣሳቴ

ቶካዳ ዳናፔ

ታ ጩሌታ

ሃይቃናይሳ ዶራይስ።

16 ሂዶታ ቃንጻዲስ፤

ዳናስካ ታ ኮይኬ፤

ታስ ላይይካ

ቃን ጊዲዳ ጊሻስ

ታና ኣጋጋ።

17 «ኔ ሶሆ ኢማናሲኔ

ቆፓናስ ኣሲ ኣዜ?✝7፡17 ማዛ 8፡4፤ 14፡3

18 ዎንታን ዎንታን ፒልጋና ማላ፥

ዎዴን ዎዴንካ

ኔ ፓጫና ማላ ኣሲ ኣዜ?

19 ጩች ሚቲዛ

ጉ ዎዴካ ታስ ኢሚኪ?

20 ኣሳ ካሌቲዛ ጎዳዉ!

ታኒ ናጋራ ኦይሳን

ኔኒ ኣይ ቆሄታዲ?

ኣይስ ታ ቦላ ኔ ቶራ ዛራዲ?

ኣይስ ሃይሳ ኬና

ታ ኔና ዴጻዲና?

21 ኡባካ ታ ናጋራ ኣቶ ጊኪ?

ታ ኦዛ ቆሆ

ታፔ ዲጊኪ?

ታ ዱፎን

ጌላና ዎዴይ ጋኪዴስ፤

ሃይሳፌ ጉዬ ኔ ታና

ኮዪዳኮካ ታ ቤቲኬ።»