1 Qorontoosike Manni'a 10:6-10,13

6 Insa’ne fuggoxxa yaane halchineemmashsha no’onna halchinabe’noshsha tinni yaane no’o’aa xexxe’achchisatike fakkeennake kadde’een. 7 «Ardi ite ha’wo’aa ofo’le; siribbo’aanna ke’e» hiyyeende borreessendeemmashsha insa’nenaa’n mitti mitti manni asseemmashsha fakkuwwa magenoofatinoqqe’e. 8 Inissa’nee giddii’n mitti mittii yabaabulatixxa cubbo hujeexxi barra mitte’n lame tommenna sase kumi manni reyemashsha no’onna yabaabbulonnoqqe’e. 9 Insa’ne giddii’ni mitti mitti Gootta hega uude’e bofake’n iddemeexxi mudemmashsha, no’onna Gootta*10:9 GoottaMitti mitti kirkik maxaafuwwi Kirstoosi hiyyaan. hega uundonnoqqe’e! 10 Insa’ne giddii’n mitti mitti maamuqee’naa’a iimak erganjinni insa’ne biremmashsha ha’noonna maamuqinoqqe’e. 13 Manjoke’n geltamanxe hega uushsho malee’e wele hega uushsho ha’noo’ni gelteba’a. Xuurameesi Magen dandeetinabaa iimi darre hexxeexxi hega uushshoo ha’noo’n gelto’a waalabaan. Hega uudendinnaa woddanna eetten hega uushsho’n ossitinaasha fuldinaaka ora ha’noo’a qophpheessaan.