1 Qorontoosike Manni'a 11:23-26

23 Gootta Yessuusinaa’n adhennexxinna ha’no’n sa’isse uwweennexxi barachcho konneechinni butti’a hexxeexxeen: Gootti Yessuusi sa’isseme uwwemeexxa hashsha budeenna aadhdhe’e, 24 Mageno galateefatteechchi uduma kukuteexxi «Kunni ha’no’a kadaake anke maalan. Tennee anxe kassii’a assedhdhe!» 25 Iittanni hirbaati uduma buuda aadheexxi, «Tinni buuda munde anxen kadda’neexxe haaroxe kakon. Isenaa’n ha’witinaa wodda duuchcha anxe kassi assedhdhe!» hiyye. 26 Konee budeena ittinna woddanna tennee buudana’n ha’witinaa wodda duuchcha Yessuusi dagaa qico’n reyo isixxa lallabinaan.